ကမ္ဘာ့ငြိမ်းချမ်းရေးစေတီတော်၊ လုမ္ဗိနီ

ကမ္ဘာ့ငြိမ်းချမ်းရေးစေတီတော်
विश्व शान्ति स्तूपा
အချက်အလက်များ
တည်နေရာ	Lumbini
ကိုဩဒိနိတ်	27.498°N 83.274°E / 27.498; 83.274
နိုင်ငံ	Nepal

ကမ္ဘာ့ငြိမ်းချမ်းရေးစေတီတော် (विश्व शान्ति स्तूपा) သည် နီပေါနိုင်ငံ၊ လုမ္ဗိနီတွင် တည်ရှိသည့် ဗုဒ္ဓဘာသာ စေတီပုထိုးတစ်ခုဖြစ်ကာ နစ်ပွန်ဇင်ငြိမ်းချမ်းရေးဘုရားဟု ခေါ်ဆိုကြသည်။ စေတီတော်ကို အမေရိကန်ဒေါ်လာ တစ်သန်းခန့် အကုန်အကျခံကာ ဂျပန်ဗုဒ္ဓဘာသာဝင်များက ဒီဇိုင်းဆွဲတည်ဆောက်ခဲ့ကြသည်။ ‌စေတီတော်သည် လုမ္ဗနီ၏ ဗဟိုလမ်းကြောင်း၏ အစနေရာတွင် တည်ရှိကာ အခြားတစ်ဖက်တွင် မာယာဒေဝီကျောင်းတော် တည်ရှိသည်။ ဤစေတီတော်မှ မာယာဒေဝီကျောင်းတော်သို့ အကွာအဝေးသည် ၃.၂ ကီလိုမီတာ ဖြစ်သည်။ စေတီတော်အပေါ်သို့ တက်ရာ လှေကားထစ်များသည် အဆင့်အားဖြင့် သုံးဆင့်ရှိသည်။ စေတီတော်သည် အဖြူရောင်ဖြစ်ပြီး ကြမ်းပြင်သည် ကျောက်ကြမ်းခင်း ဖြစ်သည်။ စေတီတော်တွင် ကြီးမားသည့် ဗုဒ္ဓရုပ်ပွားတော်လေးဆူသည် အရပ်လေးမျက်နှာကို မျက်နှာမူလျက် တည်ရှိသည်။

စေတီတော်၏ အောက်ခြေအနီးအနားတွင် ဂျပန်လူမျိုးရဟန်း Unataka Navatame) ၏ သင်္ချိုင်းတည်ရှိသည်။ ၎င်းသည် အိန္ဒိယမှ ဓားပြများက ထိုအနီးအနားတွင် ပစ်ခတ်ခံရကာ သေဆုံးခဲ့သည်။

စေတီတော်၏ မြောက်ဘက်ရှိ နေရာဒေသကို Sarus ကြိုးကြာငှက်များကို အဓိကထားကာ ငှက်များကျက်စားရာနေရာတစ်ခုအဖြစ် ထားရှိသည်။

ရုပ်ပုံများ

• 
  အရှေ့ဘက်မြင်ကွင်း
• 
  ဥယျာဉ်အား မြင်ရပုံ
• 
  ရွှေဆင်းတုတော်
• 
  အဝင်ပေါက်မှ မြင်ကွင်း
• 
  ဘေးဘက်မှ မြင်ကွင်း