ကုသိုလ်လည်း ရ၊ ဝမ်းလည်း ဝ
ကုသိုလ်လည်း ရ၊ ဝမ်းလည်း ဝ ဟူသည်မှာ မြန်မာစကားပုံတစ်ခု ဖြစ်သည်။
အဓိပ္ပာယ်
[ပြင်ဆင်ရန်]ကုသိုလ်လည်းရ၊ ဝမ်းလည်းဝ ဆိုသည်မှာ လုပ်ငန်းတစ်ခုကို လုပ်ကိုင်ခြင်းဖြင့် ဝမ်းရေးအတွက် အထောက်အပံ့ဖြစ်ရုံသာမက ကုသိုလ်ကောင်းမှုလည်း ရရှိစေခြင်းကို ဆိုလိုသည်။ ဤဆိုရိုးစကားတွင် အဓိပ္ပာယ်နှစ်မျိုး ပါဝင်နိုင်သည်ကို တွေ့ရှိရသည်။
၁။ အချို့သော အသက်မွေးဝမ်းကျောင်း လုပ်ငန်းများသည် ဝမ်းဝရုံမျှသာမက စိတ်ထားတတ်လျှင် ကုသိုလ်လည်း ရသည်။ ဆိုလိုသည်မှာ မိမိ၏ အသက်မွေးဝမ်းကျောင်း လုပ်ငန်းကို ရိုးသားဖြောင့်မတ်စွာ လုပ်ကိုင်ခြင်း၊ သူတစ်ပါးကို မနစ်နာစေဘဲ လုပ်ကိုင်ခြင်း၊ စေတနာထား၍ လုပ်ကိုင်ခြင်း စသည်တို့ဖြင့် ကုသိုလ်ရရှိနိုင်သည်ဟု ဆိုလိုသည်။ ဥပမာအားဖြင့် ဆရာဝန်တစ်ဦးသည် လူနာများကို စေတနာထား၍ ကုသပေးခြင်းဖြင့် ဝမ်းရေးလည်း ဖြေရှင်းနိုင်သကဲ့သို့ ကုသိုလ်လည်း ရရှိနိုင်သည်။
၂။ အချို့သော ကုသိုလ်ကောင်းမှု လုပ်ငန်းများသည် ကုသိုလ်ရရုံမျှသာမက ဝမ်းလည်း ဝသည်။ ဆိုလိုသည်မှာ ကုသိုလ်ဖြစ်သော အလုပ်များကို လုပ်ကိုင်ခြင်းဖြင့် ဝမ်းရေးအတွက်လည်း အထောက်အပံ့ ရရှိနိုင်သည်ဟု ဆိုလိုသည်။ ဥပမာအားဖြင့် ဘုန်းကြီးကျောင်းများတွင် ဆွမ်းခံခြင်း၊ ဘာသာရေးဆိုင်ရာ အဖွဲ့အစည်းများတွင် လုပ်အားပေးခြင်း စသည်တို့ဖြင့် ကုသိုလ်လည်း ရရှိနိုင်သကဲ့သို့ စားဝတ်နေရေးအတွက်လည်း အထောက်အပံ့ ရရှိနိုင်သည်။
အနှစ်ချုပ်ဆိုရသော် ကုသိုလ်လည်းရ၊ ဝမ်းလည်းဝ ဆိုသည်မှာ လုပ်ငန်းတစ်ခုကို လုပ်ကိုင်ခြင်းဖြင့် လောကီရေးရာနှင့် ဓမ္မရေးရာ နှစ်မျိုးလုံးကို အကျိုးပြုနိုင်ကြောင်း ဖော်ပြသော ဆိုရိုးစကားဖြစ်သည်။
ကိုးကားချက်များ
[ပြင်ဆင်ရန်]- ကုသိုလ်လည်းရ၊ ဝမ်းလည်းဝဆိုသကဲ့သို့ ဆေးဆရာဝန်လုပ်ရန် သန္နိဋ္ဌာန် ချပြီးလျှင်…၊ [၁]
- လယ်လုပ်ရတာကိုသားက ဂုဏ်ငယ်တယ်ထင်လို့လား၊ စားနပ်ရိက္ခာတွေ ကြွယ်ဝလာအောင်တစ်နိုင်ဝန်ထမ်းရတာဟာ သားတို့အတွက်ကုသိုလ်လည်းရ၊ ဝမ်းလည်းဝတဲ့ လုပ်ငန်းမဟုတ်ဘူးလား။ [၂]
- ကုသိုလ်လည်းရ၊ ဝမ်းလည်းဝ…ရဟန်းခံရှင်ပြုလိုက်ကြသည်။ [၃]