ကော်ပီသီချင်း
| ကော်ပီသီချင်း | |
|---|---|
.jpg) ကော်ပီသီချင်းများ သီဆိုရာတွင် ထင်ရှားသော မြန်မာ အိုင်းရင်းခရော့စ် ဂီတအဖွဲ့ | |
| ဝေါဟာရသမိုင်း | "Copy song" |
| ဖန်တီးသူ သို့ ဇာတိ |
|
| ယဉ်ကျေးမှု ဇာတိ | ၁၉၈၀ ခုနှစ်များ |
ကော်ပီသီချင်း သို့မဟုတ် "ကော်ပီဂီတ" သည် ၁၉၈၀ ဆယ်စုနှစ် အစောပိုင်းတွင် အစပြုခဲ့သော မြန်မာနိုင်ငံရှိ ဂီတအမျိုးအစားတစ်ခု ဖြစ်သည်။ နိုင်ငံတကာသီချင်းများ၏ သံစဉ်နှင့် တီးခတ်မှုများကို မြန်မာစာသားအသံဖြင့် ပေါင်းစပ်ဖန်တီးထားခြင်း ဖြစ်သည်။ မူရင်းသီချင်းကို ပြန်လည်သီဆိုသော ကာဗာသီချင်းများနှင့် မတူသည်မှာ ကော်ပီသီချင်းတွင် သီဆိုသံနှင့် စာသားများကို မတူညီသော စီစဉ်ဖန်တီးမှုများပါဝင်သည်ဟု ကော်ပီသီချင်း ထောက်ခံသူများက ဆိုသည်။[၁]
ကော်ပီသီချင်းအများစုမှာ မူရင်းစာသားနှင့် မတူညီသော အဓိပ္ပာယ်ဖြင့် ရှိကြသော်လည်း ကော်ပီသီချင်းအချို့မှာ မူရင်းစာသားအား တိုက်ရိုက်ဘာသာပြန်ဆိုထားခြင်းများလည်း ရှိသည်။[၂][၃] ထို့အပြင် အနောက်တိုင်း အထင်ကရနေရာများအား မြန်မာ နေရာဒေသများဖြင့် ပြောင်းလဲထားသည်များလည်း ရှိသည်။[၂] သုခမိန်လှိုင်၊ မင်းချစ်သူ၊ မောင်သစ်မင်းနှင့် ဝင်းမင်းထွေး စသော မြန်မာ တေးရေးဆရာများသည် ရုန့်ရင်းကြမ်းတမ်းသော၊ ညစ်ညမ်းသော စာသားများကို မြန်မာစာသားများအဖြစ် ပြောင်းလဲရာတွင် စကားလုံးအလှည့်အပြောင်း ပြုလုပ်သုံးစွဲရာတွင် ထူးချွန်သူများ ဖြစ်သည်။[၂]
၂၀၂၃ ခုနှစ်အထိ အဆိုတော် ၁၄၀ ခန့်သည် ကော်ပီသီချင်း ၃,၀၀၀ ကျော်ကို သီဆိုခဲ့ကြသည်။ ရရှိနိုင်သော အချက်အလက်များအရ အဆိုတော်အဖွဲ့ ၂၂ ဖွဲ့၏ သီချင်းထက်ဝက်ခန့်မှာ ကော်ပီသီချင်းများ ဖြစ်ကြပြီး အိုင်းရင်းခရော့စ် ဂီတအဖွဲ့မှာ ထင်ရှားပြီး ကော်ပီသီချင်းပေါင်း ၆၆၀ ကို သီဆိုခဲ့သည်။[၂]
နမူနာများ
[ပြင်ဆင်ရန်]၁၉၈၄ ခုနှစ် မြန်မာရုပ်ရှင် အချစ်လှေ ဇာတ်ကားတွင် ပလေးဘွိုင်းသန်းနိုင် သီဆိုခဲ့သော စိတ်ကူးယဉ်အိပ်မက် သီချင်းမှာ ဂျွန် လင်နွန်၏ "Imagine" သီချင်းကို တိုက်ရိုက်ကူးယူထားခြင်း ဖြစ်သည်။ [၂] တေးရေး နိုင်မြန်မာ၏ "ကမ္ဘာမကြေဘူး" သီချင်းသည်လည်း အမေရိကန် ရော့ခ်ဂီတအဖွဲ့ Kansas ၏ "Dust in the Wind" သီချင်း၏ ကော်ပီသီချင်း ဖြစ်သည်။[၄]
ကိုးကား
[ပြင်ဆင်ရန်]- ↑ Stubblefield၊ Sam (June 30, 2016)။ A Song by any Other Name။ January 20, 2024 တွင် မူရင်းအား မော်ကွန်းတင်ပြီး။ January 20, 2024 တွင် ပြန်စစ်ပြီး။
- ↑ ၂.၀ ၂.၁ ၂.၂ ၂.၃ ၂.၄ Alternate World of Copy Songs။ 2024-01-20 တွင် ပြန်စစ်ပြီး။
- ↑ Ferguson, Jane M. (2013). "Burmese Super Trouper: How Burmese Poets and Musicians Turn Global Popular Music into Copy Thachin". The Asia Pacific Journal of Anthropology 14 (3): 221. ISSN 1444-2213.
- ↑ "Revolutionary Songs from Myanmar: Reconsidering Scholarly Perspectives on Protest Music" (9 February 2023). Music & Politics 17 (1). doi:. ISSN 1938-7687.