ကျော်ကျော်ဗိုလ်

ကျော်ကျော်‌ဗိုလ်
Kyaw Kyaw Bo with Aung San Suu Kyi in 2019
ဇာတိ အမည်	ကျော်ကျော်ဗိုလ်
မွေးဖွား	(1978-04-17) ၁၇ ဧပြီ၊ ၁၉၇၈ ရန်ကုန်, မြန်မာ
ပညာရေး	ရန်ကုန်တက္ကသိုလ်
အလုပ်အကိုင်	မင်းသား, အဆိုတော်
တက်ကြွလှုပ်ရှားနှစ်များ	၁၉၈၈-လက်ရှိ
အရပ်	၅ ft ၇ in (၁.၇၀ m)
အိမ်ထောင်ဖက်(များ)	ဇာဇာ (လက်ထပ် 2008)
သားသမီး	၁
မိဘ(များ)	ဝင်းဗိုလ် ခင်သန်းမြင့်
ဆွေမျိုးသားချင်း	ရွှေမန်းတင်မောင် (grandfather) ညွှန့်ဝင်း (uncle)
ရရှိသည့်ဆုများ	အကောင်းဆုံး အမျိုးသားဇာတ်ပို့ဆု (၂၀၁၈)

ကျော်ကျော်ဗိုလ် (၁၇ ဧပြီ ၁၉၇၈ ဖွား) သည် မြန်မာနိုင်ငံသား မြန်မာ့ရုပ်ရှင်ထူးချွန်ဆုရ ရုပ်ရှင်သရုပ်ဆောင် နှင့် ဇာတ်မင်း သား တစ်ဦးဖြစ်သည်။ အဆိုတော်တစ်ဦး အဖြစ်လည်း အသက်မွေးခဲ့သည်။

ငယ်ဘဝ

ဇာတ်သဘင်မျိုးရိုးမှ ဆင်းသက်လာသူတစ်ဦး ဖြစ်ပြီး ဇာတ်သဘင်သမိုင်း၏ အထင်ကရကပုဂ္ဂိုလ် အလင်္ကာကျော်စွာ ရွှေမန်းတင်မောင် ၏ မြေးဖြစ်သည်။ သူ၏ ဖခင်မှာ မင်းသားဦးဝင်းဗိုလ် ဖြစ်ပြီး မိခင်မှာ ဒေါ်ခင်သန်းမြင့် ဖြစ်သည်။ သူသည် တက္ကသိုလ်ဝင်တန်းစာမေးပွဲ အောင်မြင်ပြီးချိန်နောက်ပိုင်း မစ္စတာဂစ်တာကဖေး တွင် တေးသီချင်းဆိုသည့် အလုပ်ကို လေးနှစ်ကြာလုပ်ကိုင်ခဲ့သည်။ ယင်းနောက် ဖခင်ဖြစ်သူ ဦးဝင်းဗိုလ် နှင့် ဦးလေးဖြစ်သူ ဦးချမ်းသာတို့၏ ဇာတ်သဘင်တို့တွင် ပါဝင်ကပြသည်။ ပြဇာတ်များဘက်တွင် အောင်မြင်ခဲ့သည်။ နောက်ပိုင်းတွင် ဇာတ်သဘင်လောကမှနေ၍ သရုပ်ဆောင်ဘက်သို့ ကူးပြောင်းသည်။

ရုပ်ရှင်သရုပ်ဆောင်ဘဝ

မင်းဗီဒီယိုထုတ်လုပ်ရေးက ခေါင်းဆောင်မင်းသားအဖြစ် စတင်တင်မြှောက်ရိုက်ကူးမှုများမှတဆင့် သူသည် ရုပ်ရှင်နှင့် ဗီဒီယိုလောကတွင် နေရာတစ်ခုရလာခဲ့သည်။ ပင်ပျိုမှတ်စု၊ ခဏခဏမပြောရဘူး၊ ရွှေနားတော်သွင်း ချစ်ခြင်းစကား စသည့် ဇာတ်ကားတို့မှာ အောင်မြင်မှုရခဲ့ပြီး ဇာတ်ဟန်ပန်အမူအယာပျောက်သည့် သရုပ်ဆောင်တစ်ဦးအဖြစ် ပရိသတ်က လက်ခံခဲ့သည်။ ၂၀၁၈ ခုနှစ်အတွက်ပေးအပ်ခဲ့သည့် မြန်မာ့ရုပ်ရှင်ထူးချွန်ဆုပေးပွဲတွင် မုန်းစွဲ ရုပ်ရှင်ဇာတ်ကားဖြင့် အကောင်းဆုံးအမျိုးသားဇာတ်ပို့ဆုကို ရရှိခဲ့သည်။

လူရွှင်တော်ဘဝ

ဒါရိုက်တာ အကယ်ဒမီ မောင်မျိုးမင်း (ရင်တွင်းဖြစ်)၏ ဦးဆောင်မှုဖြင့် သရုပ်ဆောင် မင်းမော်ကွန်း၊ နေတိုး၊ ထွန်းထွန်း၊ ရဲလေးတို့ပါဝင်သည့် နှင်းဆီအငြိမ့်အဖွဲ့တွင် သူသည် လူရွှင်တော်အဖြစ် အတွဲညီညီပါဝင်ခဲ့သည်။

ပုဂ္ဂိုလ်ရေးဘဝ

သူသည် အိမ်ထောင်သည်တစ်ဦးဖြစ်သည်။သမီး တစ်ဦးရှိသည်။ဇနီးဖြစ်သူမှာ ဖက်ရှင်ဒီဇိုင်နာတစ်ဦး ဖြစ်သည်။