ကျော်မျိုးမင်း

ကျော်မျိုးမင်း
မွေးဖွား	(1985-10-24)အောက်တိုဘာ ၂၄၊ ၁၉၈၅ ရေကြည်မြို့နယ်
အလုပ်အကိုင်	သတင်းထောက်
အဖွဲ့အစည်း	NP News
ကျော်ကြားမှုအရင်းခံ	Akon Thi Media တည်ထောင်သူနှင့် လက်ရှိ NP News အယ်ဒီတာချုပ်
ထင်ရှားသည့် လုပ်ဆောင်မှု	NP News နှင့် Akon Thi Media တည်ထောင်သူ အယ်ဒီတာချုပ်
သားသမီး	သားသမီး ၂ဦး
ဝက်ဘ်ဆိုဒ်	https://npnewsmm.com/

ကျော်မျိုးမင်း (၁၉၈၅ ဖွား) သည် ၂၀၂၁ မြန်မာနိုင်ငံ စစ်အာဏာသိမ်းပြီးနောက် စစ်တပ်ထောက်ခံသူအဖြစ် သိသိသာသာ အာရုံစိုက်ခံရသည့် NP News ၏ တည်ထောင်သူနှင့် အယ်ဒီတာချုပ် ဂျာနယ်လစ်တစ်ဦး ဖြစ်သည်။ မြန်မာ့မီဒီယာအခင်းအကျင်းတွင် စစ်တပ်ထောက်ခံသူအဖြစ် ပါဝင်ပတ်သက်လာခြင်းကြောင့် လူသိများလာသော ကျော်မျိုးမင်းသည် တစ်ကိုယ်တော်သတင်းစီစဉ်တင်ဆက်မှုတွင် ထင်ရှားသူတစ်ဦးဖြစ်လာပြီး NP News သည်လည်း နိုင်ငံအတွင်း စစ်အာဏာသိမ်းမှုကို ဆန့်ကျင်နေသူများအား ဆန့်ကျင်သူအဖြစ် ရပ်တည်ခဲ့သည်။

အစပိုင်းဘဝနှင့် ပညာရေး

ကျော်မျိုးမင်း ကို ဧရာဝတီတိုင်း၊ရေကြည်မြို့နယ် ထဲရှိ ကျေးရွာတစ်ခုတွင် ၁၉၅၈ခုနှစ် အောက်တိုဘာလ ၂၄ ရက်တွင် မွေးဖွားခဲ့သည်။ပညာရေးကို ရေကြည်မြို့နယ်တွင်ပင် ဖြတ်သန်းသင်ကြားသည်။

အသက်မွေးဝမ်းကြောင်း

ကျော်မျိုးမင်းသည် သူ၏ သတင်းစာရေးရာလုပ်ငန်းကို ၂၀၁၀ပြည့်နှစ်တွင် ရန်ကုန်မြို့ ရှိ ရွှေမြန်မာသတင်းဂျာနယ် ၌ စတင်ခဲ့သည်။ထိုနှစ်ထဲမှာပင် ပြည်မြန်မာသတင်းဂျာနယ် သို့ ပြောင်းရွေ့သည်။ထိုဌာနတွင် သာမန်သတင်းထောက်အဖြစ်မှ သတင်းထောက်ချုပ်အထိ ၅နှစ်ကျော်ဖြတ်သန်းပြီးနောက် ၂၀၁၆ ခုနှစ် နောက်ပိုင်းတွင် သူသည် “Akon Thi Media” ကို တည်ထောင်သည်။ အုပ်ချုပ်ရေးအရာရှိ၊ အယ်ဒီတာချုပ် အဖြစ်တာဝန်ယူခဲ့သည်။ အကုန်သိသတင်းဌာန ၌ ၎င်းတာဝန်ယူနေစဉ် ၂၀ ၂၀ ပြည့်နှစ် ဧပြီ ၂ရက်က ထုတ်လွှင့်ခဲ့သော Facebook တွင် ပထမဆုံး တင်ခဲ့သည့် ဒေါ်အောင်ဆန်းစုကြည်၏ ပိုစ့်ကို မကောင်းမြင်သူများ ကိုရိုနာဗိုင်းရပ်စ် ပိုးနှင့်အတူ လွင့်ပါးသွားစေရန် ဆန္ဒပြုသည်ဟု ဆိုသော သတင်းနှင့်စပ်လျဉ်းပြီး ဝေဖန်မှုများကို ခံခဲ့ရပြီး လူသိထင်ရှားတောင်းပန်ခဲ့ရဖူးသည်။ထိုသတင်းနှင့်ပတ်သတ်၍ ထုတ်ဝေသူများ၏ ဖိအားပေးခြင်းကိုပါ ခံခဲ့ရသည်။ ယင်းအပြင် ၂၀၂၁ ခုနှစ် ဇန်နဝါရီ ၂၆ ရက်က နေပြည်တော်၊ တပ်မတော်စစ်သမိုင်းပြတိုက် ၌ ပြုလုပ်သည့် တပ်မတော်သတင်းမှန်ပြန်ကြားရေးအဖွဲ့ ၏ သတင်းစာရှင်းလင်းပွဲတွင်လည်း ရွေးကောက်ပွဲနှင့်စပ်လျဉ်းပြီး စစ်တပ်၏ လုပ်ရပ်ကို လူထုက မကျေနပ်ကြကြောင်း ပြောဆိုမေးမြန်းခဲ့ရာ ဗိုလ်ချုပ်ဇော်မင်းထွန်း နှင့် မည်သည့်အချက်ကိုကိုးကားသနည်းဆိုပြီး ကတောက်ကဆ ဖြစ်ခဲ့သေးသည်။နောက်ပိုင်းတွင် သူသည် အကုန်သိသတင်းဌာနမှ နှုတ် ထွက်လိုက်သည်။

၂၀၂၁ ခုနှစ် မြန်မာနိုင်ငံ၏ ရွေးကောက်ခံအစိုးရကို စစ်တပ်က ဖယ်ရှားပြီးနောက်

ကျော်မျိုးမင်းသည် “NP News” ကို တည်ထောင်သည်။ အဆိုပါ သတင်းမီဒီယာအဖွဲ့သည် မြန်မာနိုင်ငံ၏ မျိုးစုံခွဲဝေပုံအခြေအနေတွင် အလျင်အမြန် စိတ်ဝင်စားမှု ရရှိလာခဲ့သည်။စစ်တပ်ထောက်ခံ မီဒီယာအဖွဲ့အစည်းများအနက် ထင်ရှားသူဖြစ်လာခဲ့ပြီး စစ်တပ်အစိုးရ၏ အမြင်များကို ဖော်ပြသည့် သတင်းများကို အများဆုံး တင်ပြခဲ့သည်။ သတင်းထုတ်လွှင့်မှုတွင် NUG နှင့် ပြည်သူ့ကာကွယ်ရေးတပ်ဖွဲ့ (PDF) များကို “အကြမ်းဖက်” ဟူ၍ ဖော်ပြခြင်းလည်း တွေ့ရသည်။ ယင်းအပြင် စစ်တပ်ဆန့်ကျင်သူများကို ပြင်းပြင်းထန်ထန်ဝေဖန်မှုများလည်း ပြုလုပ်သည်။သူသည် နေ့စဉ်နီးပါး တစ်ကိုယ်တော်သတင်းတင်ဆက်မှုများကိုလည်း ပြုလုပ်သည်။စစ်တပ်က ဦးဆောင်ကျင်းပမည့် ရွေးကောက်ပွဲကို ထောက်ခံရန် ဒေါက်တာအေးမောင် အပါအဝင် ဒေါ်စန္ဒာမင်းတို့နှင့်အတူ ၂၀၂၃ ခုနှစ် စက်တင်ဘာလ ၁၉ရက်က ဂျပန်အတိုက်အခံလွှတ်တော်အမတ်နှစ်ဦးနှင့် ဂျပန်နိုင်ငံ၊ တိုကျိုမြို့၌ တွေ့ဆုံပြီး စည်းရုံးရေးခရီးဆင်းသည့်ခရီးသည် အတိုက်အခံများ၏ စိတ်ဝင်စားမှုကို ခံရသည်။ နီပေါနိုင်ငံ အခြေစိုက် Nepal's Season Media က ၎င်းကို ၂၀၂၃ ခုနှစ် အောက်တိုဘာလ ၁၃ရက်တွင် Media Professional Excellence Award ကို ဖိတ်ခေါ် ချီးမြှင့်ခဲ့သည်။

ပဋိပက္ခများ

ကျော်မျိုးမင်း၏ NP News နှင့် ဆက်နွယ်မှုသည် မြန်မာနိုင်ငံ၏ သတင်းမီဒီယာကဏ္ဍအတွင်း စိတ်ဝင်စားစရာကိစ္စတစ်ခု ဖြစ်နေခဲ့သည်။ NP News ၏ သတင်းတင်ဆက်မှုနည်းလမ်းသည် အထူးသဖြင့် NUG နှင့် PDF ကဲ့သို့ စစ်တပ် ဆန့်ကျင်အဖွဲ့အစည်းများ၏ သတင်း ဖော်ပြရာတွင် မညီမျှခြင်းနှင့် စစ်တပ်အစိုးရ၏ အမြင်ကို ထောက်ခံနေသည်ဟု စိုးရိမ်ကြသည်။စစ်တပ်ထောက်ခံသူများကမူ ထိုသတင်းတင်ဆက်မှုများကို သဘောကျထောက်ခံကျေနပ်ကြသည်။

ကိုယ်ပိုင်ဘဝ

ကျော်မျိုးမင်းသည် အိမ်ထောင်သည်တစ်ဦး ဖြစ်ပြီး သားသမီး ၂ဦး ရှိသည်။