ကျော်ရွှေထွန်း

ဗိုလ်ချုပ် ကျော်ရွှေထွန်း
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ဒုတိယဝန်ကြီး
တာဝန်ထမ်းဆောင်ဆဲ
တာဝန် စတင် ၁ ဖေဖော်ဝါရီ ၂၀၂၅
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန အထူးအရာရှိ
တာဝန်သက်တမ်း ၁၅ နိုဝင်ဘာ ၂၀၂၃ – ၁ ဖေဖော်ဝါရီ ၂၀၂၅
ယခင်လူ	ကိုယ်တိုင်
ဆက်ခံသူ	မရှိ
ကိုယ်ရေး အချက်အလက်များ
မွေးဖွား	၁၉၆၇
ကြင်ဖော်(များ)	ဒေါ်ဥမ္မာဝင်း
သားသမီး	သား ၁ဦး၊သမီး ၁ဦး
မိခင်ကျောင်း	စစ်တက္ကသိုလ်
အလုပ်အကိုင်	စစ်မှုထမ်း
စစ်မှုထမ်းခြင်း
တပ်/တပ်ဖွဲ့ခွဲ	တပ်မတော်(ရေ) တောင်ပိုင်းရေတပ်ကွပ်ကဲမှု ဌာနချုပ်
အမှုထမ်းကာလ	၁၉၈၈ - ၂၀၂၅
ရာထူး	ဗိုလ်ချုပ်

ဗိုလ်ချုပ် ကျော်ရွှေထွန်း (၁၉၆၇ ဖွား)သည် မြန်မာတပ်မတော်အရာရှိတစ်ဦး နှင့် ကျောက်ဖြူအထူးစီးပွားရေးဇုန် စီမံခန့်ခွဲမှုကော်မတီဥက္ကဋ္ဌ ဖြစ်သည်။လက်ရှိတွင် စစ်ဘက် မှ အရပ်ဘက်ပြောင်းပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ဒုတိယဝန်ကြီးတာဝန် ထမ်းဆောင်နေသည်။ ယင်းမတိုင်မီက သူသည် ဗိုလ်ချုပ်အဆင့်ဖြင့် တပ်မတော်(ရေ) တောင်ပိုင်းရေတပ်ကွပ်ကဲမှုဌာနချုပ်မှူး တာဝန်အပြင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၏ အထူးအရာရှိလည်း ဖြစ်ခဲ့သည်။

စစ်မှုထမ်းဘဝ

သူသည် စစ်တက္ကသိုလ် အပတ်စဉ်(၃၀) ဆင်း ဖြစ်သည်။စစ်ဦးစီးအရာရှိချုပ်ဟောင်း ဒုတိယဗိုလ်ချုပ်ကြီး မိုးမြင့်ထွန်း နှင့် အပတ်စဉ်တူသည်။တပ်မတော် တွင် နှစ် ၃၀ကျော် တာဝန်ထမ်းဆောင်ပြီး ရာထူးအဆင့်ဆင့်တိုးကာ ဗိုလ်မှူးချုပ် အဆင့်ဖြင့် နိုင်ငံတော်ကာကွယ်ရေးတက္ကသိုလ် ကျောင်းအုပ်ကြီး တာဝန်ကို ၂၀၂၀ ပြည့်နှစ်တွင် ထမ်းဆောင်သည်။၂၀၂၃ ခုနှစ် မတ်လ တွင် ကာကွယ်ရေးတက္ကသိုလ်ကျောင်းအုပ်ကြီး အဖြစ်မှ တနင်္သာရီအခြေစိုက် ရေတပ်စခန်းဌာနချုပ်၊ တောင်ပိုင်းရေတပ်ကွပ်ကဲမှု ဌာနချုပ်မှူး ဖြစ်လာသည်။ ဗိုလ်ချုပ်ရာထူး နှင့် ၂၀၂၃ ခုနှစ် နိုဝင်ဘာ ၁၅ ရက်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ၏ အထူးအရာရှိ တာဝန် အပြင် ၂၀၂၃ ခုနှစ် နိုဝင်ဘာ ၂၀ ရက်တွင် ကျောက်ဖြူအထူးစီးပွားရေးဇုန် စီမံခန့်ခွဲမှုကော်မတီ၏ ဥက္ကဋ္ဌအဖြစ်ပါ နေရာပေးခံရသည်။

ဒုဝန်ကြီးဘဝ

၂၀၂၅ ခုနှစ် ဖေဖော်ဝါရီ ၁ရက်နေ့တွင် နိုင်ငံတော်စီမံအုပ်ချုပ်ရေးကောင်စီ က ၎င်းအား စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး အဖြစ် ခန့်အပ်သည်။ထိုနေ့မှာပင် စစ်ဘက်တာဝန်များမှ အနားပေးခံရသည်။