ခင်လေးဆွေ

ခင်လေးဆွေ (၁၉၃၂ မွေး) သည် မြန်မာ့ ရုပ်ရှင်သရုပ်ဆောင်ဖြစ်သည်။

ငယ်ဘဝ

၁၉၃၂ ခု၊ ဩဂုတ်လ ၁၃ ရက်တွင် ဦးမောင်ချစ်၊ ဒေါ်အေးကြည်တို့က ဒိုက်ဦးမြို့၌ မွေးသည်။ ငယ်အမည်မှာ အမာ ဖြစ်၏။

အနုပညာခရီး

မိတ်ဆွေတဦးဖြစ်သော ဦးနော်၏ ချိတ်ဆက်ပေးမှုဖြင့် ဆွေဗမာဖလင်နှင့် ၃ နှစ်စာချုပ်လုပ်သည်။ ၁၉၄၆ ခုတွင် ဒါရိုက်တာ ဦးလွန်းဖေရိုက်သော မာန်စွယ် ဇာတ်ကားတွင် တင်ညွန့်နှင့်တွဲ၍ ခေါင်းဆောင်မင်းသမီးအဖြစ် စတင်သရုပ်ဆောင်သည်။ သက်တမ်းကုန်သည်နောက် အေဝမ်းဖလင်သို့ ပြောင်းသည်။ ယိုးဒယားကုမ္ပဏီတခုနှင့် အေဝမ်းတို့ ဖက်စပ်ရိုက်ကူးသော ချစ်မုန်တိုင်း ဇာတ်ကား၌ ယိုးဒယားမင်းသားနှင့်တွဲ၍ ပါဝင်ရသည်။ ကျော်ဆွေ၊ တင်ညွန့်၊ ဇေယျ၊ ခင်မောင်ညွန့်၊ ဖိုးပါကြီးတို့နှင့် အတွဲများသည်။

ရုပ်ရှင်လောကမှ ခေတ္တပျောက်ကွယ်သွားပြီးနောက် ဝင်းဦး၏ ဆောင်းအိပ်မက် ဇာတ်ကား၌ ဇာတ်ရံအဖြစ်ပါဝင်ကာ ရုပ်ရှင်လောကသို့ တကျော့ပြန်လာသည်။ ဝင်းဦး၏ ဇာတ်ကားအများစုတွင် ဖိုးပါကြီးနှင့်တွဲ၍ ပါဝင်သည်။

၁၉၅၇ ခုတွင် မာလာဦး ရုပ်ရှင်ကုမ္ပဏီ ထောင်သည်။

မိသားစုဘဝ

၁၉၅၇ ခုတွင် မင်းသား ကျော်ဖေနှင့် လက်ထပ်သည်။

ပါဝင်သော ဇာတ်ကားများ

• မာန်စွယ်
• ချစ်မုန်တိုင်း
• သမလ-ဝိမလ
• ထားသစ္စာ
• စကြာယာဉ်
• ဒေးစွန်ပါ
• ချစ်ရိပ်မြုံ
• ငါးပွင့်တခိုင်
• မှော်ဝိဇ္ဇာ
• ချစ်မေမေ
• မြို့မဲ့လုင်
• လူယောက်ျား
• ပိုင်ပိုင်နိုင်နိုင်
• ချစ်သဲဒါလီ
• သုံးတောင်ပြည့်ခန်းသာလယ်
• ရွှေမြား
• ဗုဒ္ဓဂုဏ်ရောင်
• လောကီကြေးမုံ
• ဒဿကုမ္မာ
• တွေးရခက်ကြီး
• ယမ်းငွေ့ဝေဝေ
• ယမင်းရွှေစင်
• ရံရွေတော်
• လေနီကြမ်း
• တရားနဲ့ဓါး
• ကုန်းဘောင်ဆက်
• လေးဆူဒီပါ
• ရူပါယဉ်
• လောကလက်ဆောင်
• နှောင်ကြိုးမေတ္တာ
• မောင့်လပြည့်ဝန်း
• စမ်းရေပမာ မိမေတ္တာ
• မရွှေအထက်တန်းစား
• ချစ်လွန်းတင်
• ခြေရာတထောင် မောင်မဲခေါင်
• တကျော့နှစ်ကျော့ တေးကိုသီ
• ဆောင်းအိပ်မက်
• ဪယောက်ျား
• တိမ်လွှာမို့မို့လွင်
• အညံ့ပန်း
• ဝမ်းနဲဝမ်းသာ
• မောင့်အချစ်တော်
• နှင်းပျောက်တဲ့နွေ
• တယူသန်
• ကျောက်မဲအကျဉ်းသား
• တိမ်လှိုင်းပမာ
• ချစ်ပိုင်ဆက်ရာ
• မှုန်ရွှေရည်
• မုန်းပါတယ်မောင့်ကို
• မွန်းဂျန်
• နွေး
• ကညာပျိုနဲ့ဇရာအို
• ရင်ခွင်ဦး
• အသည်းကျော်မလေး
• ဆောင်ချင်အုံးဟဲ့ မင်္ဂလာ
• ဒီကမ္ဘာမှာ ကျွန်တော်အပျော်ဆုံး
• ကျားအသည်းနဲ့ချစ်ရဲသူ
• ပိုးနှင်းဖြူ
• ချစ်သူအောင်ပွဲ ခြိမ့်ခြိမ့်သဲ
• ဒေါနနဲ့စပယ်
• ငွေဆယ်သိန်း၊ လူငါးယောက်နှင့် နန်းကျော့ခိုင်
• မမုန်းလေနဲ့ ငပလီ
• ဘတပြန် ကျားတပြန်
• နေခြည်ဖြာမှ နွေးသောကြောင့်
• မိန်းကလေးရှင်ရဲ့ဆန္ဒ
• ပွမ်ပွမ်မြည်တဲ့ကားလေး
• ကိုယ်ထင်ရင် ခုတင်ရွှေနန်း
• ကိုကိုညီညီ
• ချစ်ကြိုးတွေ သွယ်ကာရစ်ကာ
• စပယ်တင်မှဲ့နဲ့ မိန်းကလေး
• ၃ သို့မဟုတ် ၄
• ရွှေချည်ငွေချည်တန်းပါလို့
• ချစ်သူများရဲ့ချစ်တဲ့သူ
• ကျွန်တော့်အချစ် ဈေးမဆစ်နဲ့
• ချစ်ဦးတိမ်ပန်းချီ
• ယောဆရာကြီး
• သည်အရွယ်နဲ့ သည်စပယ်
• ဘာအခုမှ ချစ်ပါပြီလဲ
• အဆိပ်ပန်းနှင့်မေတ္တာလမ်း
• စုံနံ့သာမြိုင်
• မောင်မောင့်အချစ် နံပါတ် ၁
• ဘဝကြေးမုံ
• သံသယဝင်္ကပါ
• ရွှေနွယ်ရိုး
• သိုင်းသမားနဲ့ မစံပယ်
• ရှစ်စပ်က ဂျင်ခြေလည်
• တရားတဖက် ဓါးတလက်
• မျက်နှာမများတတ်သူပါ
• နေရာချင်းတော့ မလဲနိုင်ပါ