ခတ်ကွင်း ပြင်တာနှင့် ရွာသစ်ကြီးရောက်
ခတ်ကွင်း ပြင်တာနှင့် ရွာသစ်ကြီးရောက် ဟူသည်မှာ မြန်မာစကားပုံတစ်ခု ဖြစ်သည်။
ရှင်းလင်းချက်
[ပြင်ဆင်ရန်]စစ်ကိုင်းဆိပ်မှ ဆန်တက်သည့် လှေသည် ခတ်ကွင်းကို ကြိုတင်ပြင်ဆင်မထားသဖြင့် မလှော်ခတ်နိုင်ဘဲ ခတ်ကွင်းပြင်ရင်း ရေစီးနှင့် မျောပါသွားရာ ရွာသစ်ကြီးတိုင် ရောက်သွားသကဲ့သို့ လုပ်ငန်းကို ကြိုတင်ပြင်ဆင်မထားသဖြင့် လုပ်ငန်းစရတော့မည့်အချိန်တွင်မှ ပြင်ဆင်မှုလုပ်ရင်း ခရီးမတွင် ဖြစ်ရသည်။
မူလရင်းမြစ်
[ပြင်ဆင်ရန်]- "ခတ်ကွင်း ပြင်တာနှင့် ရွာသစ်ကြီးရောက်ဆိုသလို စကားထာဝှက်တာ ဖော်နေရတာနဲ့ပဲ အချိန်တွေညောင်းလို့ နာရီစက်မောင်းလည်း ပြောင်းကုန်ပါပြီ။" [၁၃၁၈] မြဝတီ၊ ၄၊ ၆၊ ၂၀၉။
ဝေါဟာရအနက်ဖွင့်ဆိုချက်
[ပြင်ဆင်ရန်]- ခတ်ကွင်း = လှေသမ္ဗန်၏ ခတ်နိုင်တွင် ခတ်တက်ကို သွင်းလျှိုရာ အထိန်းကြိုးကွင်း။
- ရွာသစ်ကြီး = စစ်ကိုင်းမြို့၏ အောက်ဘက် (၂၃)မိုင်အကွာ၊ ဧရာဝတီမြစ်ကမ်းနဖူးပေါ်ရှိ ရွာအမည်။