ဂါထာပေး တေးဖြစ်
ဂါထာပေး တေးဖြစ် ဟူသည်မှာ မြန်မာစကားပုံတစ်ခု ဖြစ်သည်။
အဓိပ္ပာယ်
[ပြင်ဆင်ရန်]ဂါထာပေး တေးဖြစ် ဆိုသည်မှာ တန်ဖိုးထားရမည့် ဂါထာမန္တန်များကို မည်သူ့ကိုမဆို လွယ်လွယ်ကူကူ ပေးဝေမိပါက ဂါထာ၏ တန်ဖိုး လျော့နည်းသွားပြီး သာမန် သီချင်းတစ်ပုဒ်ကဲ့သို့ သဘောထားကာ ပေါ့ပေါ့တန်တန် ရွတ်ဆိုကြတော့သည်ဟု ဆိုလိုသည်။ ဤဆိုရိုးစကားသည် တန်ဖိုးရှိသော အရာများကို အလွယ်တကူ မပေးသင့်ကြောင်းကို သွန်သင်ထားသည်။ ဂါထာမန္တန်များသည် လေးနက်သော အဓိပ္ပာယ်များ ပါဝင်ပြီး ရိုသေလေးမြတ်စွာ မှတ်သားရွတ်ဆိုရမည့် အရာများဖြစ်သည်။ မဆင်မခြင် ပေးဝေခြင်းဖြင့် ၎င်းတို့၏ တန်ဖိုးနှင့် လေးနက်မှုကို လျော့နည်းစေသည်။ ထို့အတူ အခြားတန်ဖိုးရှိသော အရာများ၊ ပညာရပ်များ၊ အတွေ့အကြုံများကိုလည်း အလွယ်တကူ မျှဝေခြင်းဖြင့် ၎င်းတို့၏ တန်ဖိုးကို လျှော့ချရာရောက်သည်။
ကိုးကားချက်များ
[ပြင်ဆင်ရန်]- ဒီဂါထာတော်ကြီးကို မစရန်ကား ကန့်ကွက်ဖို့ မရှိပေ၊ သို့ရာတွင် ဂါထာပေး တေးဖြစ်ဆိုတာလို ပေါ့ပေါ့ဆဆ မပြုလုပ်သင့်ကြပေ။ [၁]
အခြားအသုံးအနှုန်း
[ပြင်ဆင်ရန်]- ဂါထာ သူတကာပေး တေးဖြစ် ဟူ၍လည်း အသုံးရှိသည်။
မူလရင်းမြစ်
[ပြင်ဆင်ရန်]- "စိတ်လေးပြီး မယုံမကြည်မရှိနှင့်။ ဂါထာပေး တေးဖြစ် ဆိုတဲ့ စကားလို သူတစ်ပါးကိုလည်း နည်းမပြလေနှင့်။" [၂]