တက္ကသိုလ်ဂွမ်းပုံ

တက္ကသိုလ်ဂွမ်းပုံ (၁၉၆၄ -) သည် မြန်မာနိုင်ငံသား ရုပ်ရှင်သရုပ်ဆောင် ဖြစ်သည်။

ငယ်ဘဝနှင့် ပညာရေး

၁၉၄၆ ခုတွင် တပ်ကြပ်ကြီး လှမြင့်၊ ဒေါ်ရင်သန်းတို့က ရန်ကုန်၌ မွေးသည်။ အမည်ရင်းမှာ စမ်းစမ်းကြည် ဖြစ်သည်။

အလက(၃)ဒဂုံ၌ အလယ်တန်းပညာသင်ပြီး အထက်တန်းကို အထက(၂)ဒဂုံမှ အောင်သည်။ လှိုင်နယ်မြေ၌ ဥပစာတန်းတက်သည်။ ဝိဇ္ဇာတန်းကို ရန်ကုန်ဝိဇ္ဇာသိပ္ပံတက္ကသိုလ်၌ တက်ရသည်။

သရုပ်ဆောင်ခရီး

၁၉၈၆ ခု၊ နောက်ဆုံးနှစ် တက်နေစဉ် ဒါရိုက်တာ နန္ဒက မိတ်ဆက်ပေးသဖြင့် ဒါရိုက်တာ ဇော်မြင့်ဦးရိုက်သော ရင်ခုန်မိတာအချစ်လား ဇာတ်ကားတွင် စသရုပ်ဆောင်သည်။ တက္ကသိုလ်အနုပညာအသင်းတွင် ပါဝင်ခဲ့စဉ်က သုံးသည့် တက္ကသိုလ်ဂွမ်းပုံ အမည်ကို ယူခဲ့သည်။ နဝမတန်းတက်စဉ်က ဒါရိုက်တာ စိန်တင်ရိုက်သော ပဝါနီနီ ဇာတ်ကားအတွက် လူရွေးပွဲ ဝင်ပြိုင်ဖူးသည်။ ထိုစဉ်က အရွေးမခံခဲ့ရ။

မိသားစုဘဝ

၂၀၀၃ ခုတွင် မြတ်ထွန်းရွှေ(ခေါ်)အိုက်ရွှေနှင့် စတင်ချစ်ကြိုက်ရာ ၂၀၁၁ ခု၊ ဧပြီလ ၁ ရက်၌ အိမ်ထောင်ပြုသည်။ သားသမီး မရှိ။ ကြည့်မြင်တိုင်၊ ပိတောက်အောက်လမ်းတွင် နေသည်။