တမ်းပလိတ်:Featured article
မိုးလေဝသ ခန့်မှန်းချက် သို့မဟုတ် မိုးလေဝသ ဟောကိန်းထုတ်ခြင်း သည် သိပ္ပံနှင့် နည်းပညာကို အသုံးပြု၍ သတ်မှတ်ထားသော နေရာတစ်ခုနှင့် အချိန်တစ်ခုအတွက် ကမ္ဘာ့လေထု ၏ အခြေအနေများကို ခန့်မှန်းရန်ဖြစ်သည်။ လူသားများသည် မိုးလေဝသကို ထောင်နှစ်ပေါင်းများစွာကတည်းက အလွတ်သဘော ခန့်မှန်းရန် ကြိုးစားခဲ့ကြပြီး၊ ၁၉ ရာစုမှစ၍ တရားဝင်စတင် ခန့်မှန်းခဲ့ကြသည်။
မိုးလေဝသ ခန့်မှန်းချက်များကို လေထု၊ မြေပြင်နှင့် သမုဒ္ဒရာ၏ လက်ရှိအခြေအနေများအကြောင်း ပမာဏအချက်အလက်များ ကို စုဆောင်းပြီး၊ မိုးလေဝသ ပညာရပ်ကို အသုံးပြု၍ သတ်မှတ်ထားသော နေရာတစ်ခုတွင် လေထုအပြောင်းအလဲများကို ခန့်မှန်းသည်။ ယခင်က လေဖိအား အပြောင်းအလဲ၊ လက်ရှိ မိုးလေဝသ အခြေအနေများနှင့် မိုးတိမ် သို့မဟုတ် တိမ်ဖုံးမှုတို့ကို အဓိကထား၍ လက်ဖြင့် တွက်ချက်ခဲ့သော်လည်း၊ ယခုအခါ မိုးလေဝသ ခန့်မှန်းချက်သည် လေထုဆိုင်ရာ အကြောင်းအရာများစွာကို ထည့်သွင်းစဉ်းစားသည့် ကွန်ပျူတာအခြေပြု မော်ဒယ်များဖြစ်သည့် ဂဏန်းအခြေပြု မိုးလေဝသ ခန့်မှန်းမှု (numerical weather prediction) ကို အားကိုးလျက်ရှိသည်။ ခန့်မှန်းချက်အတွက် အကောင်းဆုံး မော်ဒယ်ကို ရွေးချယ်ရာတွင် လူသားများ၏ ပါဝင်မှုမှာ မရှိမဖြစ်လိုအပ်နေဆဲဖြစ်ပြီး၊ ၎င်းတွင် ပုံစံဖော်ပြမှု ကျွမ်းကျင်မှု (pattern recognition skills)၊ ဆက်နွယ်မှုများ (teleconnections)၊ မော်ဒယ် စွမ်းဆောင်ရည်ဆိုင်ရာ အသိပညာ၊ နှင့် မော်ဒယ် ဘက်လိုက်မှုများအကြောင်း အသိပညာတို့ ပါဝင်သည်။
ဆက်လက်ဖတ်ရှုရန် ...