ထရံကာထိပ်ခေါင်တင်

"ထရံကာထိပ်ခေါင်တင်" မင်းတုန်းဘုရင်နှင့် ငါန်းဇွန်မိဖုရားတို့မှ မွေးဖွားသည်ဖြစ်သော သမီးတော်သုံးပါးအနက် အထွေးဆုံးသမီးတော်ဖြစ်ပြီး မွေးချင်းညီအစ်မသုံးဖော်တွင် သူမတဦးတည်းသာလျှင် အသက်ရှင် လူလားမြောက်ခဲ့သည်ဖြစ်၏။

ထရံကာထိပ်ခေါင်တင် - သူ့ခင်ပွန်းသည် မင်းသားတစ်ပါးဖြစ်သည်။

မင်းတုန်းဘုရင်နှင့် ငါန်းဇွန်မိဖုရားတို့မှ မွေးဖွားသည်ဖြစ်သော သမီးတော်သုံးပါးအနက် အထွေးဆုံးသမီးတော်ဖြစ်ပြီး မွေးချင်းညီအစ်မသုံးဖော်တွင် သူမတဦးတည်းသာလျှင် အသက်ရှင် လူလားမြောက်ခဲ့သည်ဖြစ်၏။

သူမ၏ မိခင်ငါန်းဇွန်မိဖုရားကြီးသည် အယုဒ္ဓသွေးနွယ်ယှက်သည်ဖြစ်လေရာ ရတနာပုံနန်းတွင်း ရှိ တပါးသော ထိပ်ခေါင်တင်မင်းသမီးများအကြား၌ သူမသည် အယုဒ္ဓယသွေး နွယ်ယှက်သော မင်းသမီး တပါးအဖြစ် ထင်ရှားခဲ့လေသည်။

ခမည်းတော်ဘုရင်ကြီး နတ်ရွာစံခါနီးအချိန်၌ သူမသည် ကလေးငယ်အရွယ်မျှသာရှိသေးသည်ဖြစ်၍ တပါးသောရွယ်တူ မောင်နှမတစုနှင့် အတူ ဝေဒနာခံစားနေရသော ခမည်းတော်ဘုရား ထံဝင်ရောက်ခစားကာ အနှိပ်တော်ဆက်ကြရလေသည်။

သည်တွင် ခမည်းတော်ဘုရား၏ လက်ယာဘက် အနီးဆုံး၌ ခစားအနှိပ်တော်ဆက်နေသော သူမနှင့် လက်ဝဲဘက်အနီးဆုံး၌ ခစား အနှိပ်တော်ဆက်နေသော ပျဉ်းမနားမင်းသားငယ်ကို ကြည့်၍ ခမည်းတော်ဘုရင်ကြီးမှ သဘောခွေ့ခဲ့လေသည်။

သည့်အတွက် ခမည်းတော်ဘုရင်ကြီးသည် နောင်တချိန်အရွယ်ရောက်က ထိုကလေးငယ်နှစ်ဦးကို လက်ဆက်ပေးရန် အမိန့်တော်ပြုခဲ့လေပြီး အမှန်တကယ် အရွယ်တော်ရောက်သည့်ခါဝယ် ပျဉ်မနားမောင်မောင်နှင့် လက်ဆက်ကာ ပေါင်းသင်းခဲ့လေသည်။

ပျဉ်းမနားကိုယ်တော်ကြီးသည် သူမတဦးတည်းအပေါ်တွင်သာ နှစ်နှစ်ကာကာချစ်မြတ်နိုးခဲ့ပြီး တပါးသော ကိုယ်လုပ်တော်ဟူ၍ ဘယ်အခါကမှ ထားခဲ့ခြင်းမရှိပေ။

သို့ဖြင့် ခမည်းတော်ဘုရား နတ်ရွာမလားမီ နောက်ဆုံးသော ဖူးစာရေးနတ်မင်းအဖြစ် ဆောင်ရွက်စီမံ ခဲ့သည်ဖြစ်သော သူမတို့မောင်နှံနှစ်ဖော်သည် တဦးအပေါ်တဦး ကြင်နာစွာနှင့် သက်ရွယ်တော် ကိုးဆယ်ကျော်သည့်တိုင်သက်တော်ရှည်ကာ လောကအလယ်ချစ်ခင်စွာပေါင်းသင်းနေထိုင်ခဲ့ကြရလေသည်။

ကံကုန်သည့်အခါတွင်လည်း တဦးနှင့်တဦး ရက်ပိုင်းသာခြား၍ ကံကုန်ခဲ့သည်ဖြစ်လေရာ အုတ်နန်းတော်တခုအတွင်း၌ပင် တူပြိုင်ကာ သွင်းနှံသင်္ဂြိုဟ်ခဲ့ရလေသည်။