ဒေါင်ဒေါင်မြည်မှ အိုး၊ သုံးလွန်းတင်မှ ကြိုး၊ အနောက်တောင်ထောင့်မှ မိုး
ဒေါင်ဒေါင်မည်မှ အိုး၊ သုံးလွန်းတင်မှ ကြိုး၊ အနောင်တောင်ထောင့်မှ မိုး သည် မြန်မာဆိုရိုးစကား ဖြစ်သည်။[၁] (ဒေါင်ဒေါင်မြည်မှ အိုး၊ သုံးလွန်းတင်မှ ကြိုး၊ တောင်ကလာမှ မိုး-ဟူ၍လည်း အဆိုရှိသည်။)
အဓိပ္ပာယ်
[ပြင်ဆင်ရန်]ဒေါင်ဒေါင်မြည်မှ အိုး၊ သုံးလွန်းတင်မှ ကြိုး၊ အနောက်တောင်ထောင့်မှ မိုး ဆိုသည်မှာ အရာဝတ္ထု သုံးခု၏ အရည်အသွေးကောင်းမွန်မှုကို နှိုင်းယှဉ်ဖော်ပြသော ဆိုရိုးစကားဖြစ်သည်။
- ဒေါင်ဒေါင်မြည်မှ အိုး: အိုးကို ခေါက်ကြည့်လျှင် ဒေါင်ဒေါင်မြည်သော အိုးသည်သာ အိုးကောင်းဖြစ်သည်။ မမြည်ပါက အိုးမကောင်းဟု သတ်မှတ်သည်။
- သုံးလွန်းတင်မှ ကြိုး: ကြိုးတစ်ချောင်းသည် သုံးလွန်းတင်၍ ကျစ်ထားမှသာ ခိုင်ခံ့ပြီး အသုံးခံသည်။ လွန်းနည်းပါက ကြိုးမခိုင်ခံ့ဟု သတ်မှတ်သည်။
- အနောက်တောင်ထောင့်မှ မိုး: မိုးသည် အနောက်တောင်ထောင့်မှ တက်လာသော မိုးသားတိမ်တိုက်မှ ရွာမှသာ အချိန်မှန် ရွာသောမိုး ဖြစ်သည်။
ဤဆိုရိုးစကားသည် အရာရာတွင် အရည်အသွေးကောင်းမွန်မှု၊ ခိုင်ခံ့မှုနှင့် အချိန်ကိုက်ဖြစ်မှုတို့သည် အရေးကြီးကြောင်းကို သွန်သင်သည်။
ကိုးကားချက်များ
[ပြင်ဆင်ရန်]- ဒေါင်ဒေါင်မြည်မှအိုး၊ သုံးလွန်းတင်မှ ကြိုး၊ အနောက်တောင်ထောင့်မှ မိုးဟူသော ရှေးရိုးစကားအတိုင်း အနောက်တောင်ထောင့်အရပ်မှ ကမ္ဗလာမင်သင်တိုင်းတို့ဖြင့် ရစ်သိုင်းကာ လွှမ်းခြုံထားသကဲ့သို့ အမ္ဗုန်မောင်မိုးဒေဝါကလည်း ရွာတော့ဟန်တကဲကဲ ညိုမည်း၍နေတော့သည်။ [၂]
- အနောက်တောင်အရပ် စနေထောင့်ဆီမှ မိုးသားတိမ်လိပ်များရုတ်ခြည်း တက်လာကာ ခြိုးခြိမ့်သံမပေးဘဲ ဗြုန်းခနဲ ရွာချလိုက်သည်မှာ သည်းပါဘိချင်း၊ သုံးလွန်းတင်မှ ကြိုး၊ ဒေါင်ဒေါင်မြည်မှ အိုး၊ တောင်ကလာမှမိုး ဟူသည့် ရှေးလူကြီးသူမတို့ ဆိုရိုးစကားမှာ မှန်နေသည်။ [၃]