နဂိုဓာတ်ဟောင်း မဖျက်ကောင်း
နဂိုဓာတ်ဟောင်း မဖျက်ကောင်း သည် မြန်မာဆိုရိုးစကား ဖြစ်သည်။[၁]
အဓိပ္ပာယ်
[ပြင်ဆင်ရန်]နဂိုဓာတ်ဟောင်း မဖျက်ကောင်း ဆိုသည်မှာ သက်ရှိသက်မဲ့ အရာဝတ္ထုများတွင် ရှိသော ပင်ကိုသဘာဝ၊ ပင်ကိုဓာတ်ကို မဖျက်ဆီးသင့်ဟု ဆိုလိုသည်။ ဤဆိုရိုးစကားသည် သဘာဝကို လေးစားရန်နှင့် သဘာဝ၏ ဖြစ်စဉ်ကို မပြောင်းလဲပစ်ရန် သွန်သင်သည်။ အရာဝတ္ထုတစ်ခု၏ မူလသဘာဝကို ပြောင်းလဲပစ်ခြင်းသည် ဆိုးကျိုးများ ဖြစ်ပေါ်စေနိုင်သောကြောင့် မူလအတိုင်း ထားရှိခြင်းက ပို၍ ကောင်းမွန်သည်။ ဥပမာ - သဘာဝပတ်ဝန်းကျင်ကို ဖျက်ဆီးခြင်းသည် သဘာဝဘေးအန္တရာယ်များကို ဖြစ်ပေါ်စေနိုင်သကဲ့သို့ လူတစ်ဦး၏ ပင်ကိုစရိုက်ကို ပြောင်းလဲပစ်ရန် ကြိုးစားခြင်းသည်လည်း ဆိုးကျိုးများ ဖြစ်ပေါ်စေနိုင်သည်။
ကိုးကားချက်များ
[ပြင်ဆင်ရန်]- ပထဝီပျက်ထ၊ နာသမျှကို၊ ကာလရှေးလွန်၊ ဆရာမွန်တို့၊ အာဂန္တုနာ၊ သညာခေါ်ဆို၊ ဆေးမလိုတည့်၊ နဂိုဓာတ်ဟောင်း၊ မဖျက်ကောင်း၍၊ အကြောင်းဆိုင် ဆီ၊ ပထဝီ၏၊ အမှီအကင်း၊ ဖြစ်စေလျှင်းသည်၊ [၂]
- ဆေးဆရာတို့ အသုံးပြုလေ့ရှိသော ပြုပြင်ရေးဆိုင်ရာ ဆိုရိုးစကားတစ်ခုလည်း ရှိပြန်လေသည်။ နဂိုဓာတ်ဟောင်း မဖျက်ကောင်းဟူသော စကားပင် ဖြစ်လေသည်။ [၃]
- နဂိုဓာတ်ဟောင်း မဖျက်ကောင်းဆိုသကဲ့သို့ မြေ၊ ရေ၊ သစ်ပင်၊ တောတောင် စသည်တို့ကို မူလသဘောမှ အဆမတန် ပြောင်းလဲစေခြင်းသည် လူတို့၏ ကျန်းမာရေးနှင့် ဆန့်ကျင်ဘက် ဖြစ်စေ၏။ [၄]