ပညာရေး၊ ယဉ်ကျေးမှု၊ အားကစား၊ သိပ္ပံနှင့် နည်းပညာဝန်ကြီးဌာန (ဂျပန်)
 ဂျပန်အစိုးရအဖွဲ့အစည်း | |
|---|---|
| 文部科学省 Monbu-kagaku-shō | |
 | |
 MEXT ဌာနချုပ် | |
| အစိုးရအဖွဲ့အစည်း အကျဉ်းချုပ် | |
| ဖွဲ့စည်းသည့်အချိန် | ဇန်နဝါရီ ၂၀၀၁ |
| ယခင်အဖွဲ့အစည်း | ပညာရေးဝန်ကြီးဌာန သိပ္ပံနှင့် နည်းပညာ အေဂျင်စီ |
| ဌာနချုပ် | 3–2–2 ကာဆုမိဂါဆဲကိ၊ ချိယိုးဒ၊ တိုကျိုမြို့ 100-8959၊ ဂျပန်နိုင်ငံ |
| ဝန်ကြီးများ | ကိုးအိချိ ဟာဂိအုဒ၊ ပညာရေး၊ ယဉ်ကျေးမှု၊ အားကစား၊ သိပ္ပံနှင့် နည်းပညာဝန်ကြီး Keiko Nagaokaကေးကို နာဂါအိုက၊ အစိုးရဝန်ကြီး တိုမိုကို အုကိရှိမ၊ အစိုးရဝန်ကြီး |
| မိခင်အဖွဲ့အစည်း | ဂျပန်အစိုးရ |
| ဌာနခွဲများ | ယဉ်ကျေးမှုရေးရာ အေဂျင်စီ ဂျပန်အားကစားအေဂျင်စီ |
| ဝက်ဘ်ဆိုက် | www.mext.go.jp |
MEXT ဟု အတိုကောက်သိကြသည့် ပညာရေး၊ ယဉ်ကျေးမှု၊ အားကစား၊ သိပ္ပံနှင့် နည်းပညာဝန်ကြီးဌာန (အင်္ဂလိပ်: Ministry of Education, Culture, Sports, Science and Technology; ဂျပန်: 文部科学省, Monbu-kagaku-shō) သည် ဂျပန်အစိုးရ၏ အုပ်ချုပ်ရေးဝန်ကြီးဌာန ဆယ့်တစ်ခုအနက် တစ်ခုအပါအဝင်ဖြစ်သည်။[၁]
နိုင်ငံတကာ အသိုက်အဝန်းတွင် ဂျပန်နိုင်ငံ၏ အရေးပါမှုအခြေအနေ တိုးတက်လာစေရန် ရည်ရွယ်သည်။[၂][၃] ဝန်ကြီးဌာနသည် ၎င်း၏ စီရင်ပိုင်ခွင့်ကို ကျင့်သုံးလျက်၊ လူနေမှုပတ်ဝန်းကျင်နှင့် ကလေးသူငယ် ကျန်းမာရေး၊[၄] ကျားမ တန်းတူညီမျှမှု[၅] စသည့် အနာဂတ်ရည်မှန်းချက်များဆိုင်ရာ သုတေသနများအတွက် ရန်ပုံငွေများ ရှာဖွေထောက်ပံ့ရန် တာဝန်ယူရသည်။[၆]
သမိုင်းကြောင်း
[ပြင်ဆင်ရန်]ဂျပန်နိုင်ငံ၏ ပထမဆုံး ပညာရေးဝန်ကြီးဌာနကို မဲဂျိခေတ် ၁၈၇၁ခုနှစ်တွင် စတင်တည်ထောင်သည်။[၇] ၂၀၀၁ ခုနှစ် ဇန်နဝါရီလတွင် ယခင် ပညာရေး၊ သိပ္ပံ၊ အားကစားနှင့် ယဉ်ကျေးမှု ဝန်ကြီးဌာန (文部省, Monbu-shō) နှင့် သိပ္ပံနှင့် နည်းပညာအေဂျင်စီ (科学技術庁, Kagaku-gijutsu-chō) တို့ကို ပေါင်းစပ်၍ လက်ရှိ MEXT ကို ဖွဲ့စည်းသည်။
ဖွဲ့စည်းပုံ
[ပြင်ဆင်ရန်]ပညာရေး၊ ယဉ်ကျေးမှု၊ အားကစား၊ သိပ္ပံနှင့် နည်းပညာဝန်ကြီးဌာန၏ အကြီးအကဲမှာ ပညာရေး၊ ယဉ်ကျေးမှု၊ အားကစား၊ သိပ္ပံနှင့် နည်းပညာဝန်ကြီး ဖြစ်သည်။ ၎င်းအောက်တွင် အစိုးရဝန်ကြီးနှစ်ဦး၊ လွှတ်တော်ဒုတိယဝန်ကြီးနှစ်ဦး၊ စီမံအုပ်ချုပ်ရေး ဒုတိယဝန်ကြီးနှစ်ဦး၊ လက်ထောက်ဝန်ကြီးနှစ်ဦးတို့ကို ခန့်ထားသည်။ ဝန်ကြီးဌာနကို ၎င်းတို့အပြင် အောက်ပါအတိုင်း ဖွဲ့စည်းထားသည်။[၁]
ဝန်ကြီးရုံး
[ပြင်ဆင်ရန်]ဝန်ကြီးဌာနတစ်ခုလုံးကို သက်ရောက်စေမည့် အထွေထွေမူဝါဒများ ညွှန်ကြားဆောင်ရွက်ရသည့် ဌာနဖြစ်သည်။ မူဝါဒများ စစ်ဆေးခြင်း၊ ဌာနများအကြား ချိတ်ဆက်ဆောင်ရွက်ခြင်း၊ ဝန်ကြီးဌာနတစ်ခုလုံး၏ လူ့စွမ်းအားအရင်းအမြစ် စီမံခန့်ခွဲရေး၊ နိုင်ငံခြားဆက်ဆံရေး စသည်တို့ ဆောင်ရွက်ရသည်။
နိုင်ငံတကာရေးရာ ညွှန်ကြားရေးမှူးချုပ်
[ပြင်ဆင်ရန်]ဂျပန်အမျိုးသားကော်မရှင်နှင့် ကုလသမဂ္ဂ ပညာရေး၊သိပ္ပံနှင့် ယဉ်ကျေးမှုအဖွဲ့ (ယူနက်စကို) တို့အကြား ချိတ်ဆက်ဆောင်ရွက်ရေးတွင် အဓိက တာဝန်ရှိသူဖြစ်သည်။ အဖွဲ့အစည်းနှစ်ခု၏ ဘုံမျှော်မှန်းချက်မှာ ပညာရေး၊ သိပ္ပံနှင့် ယဉ်ကျေးမှုတို့မှတစ်ဆင့် ရေရှည်စဉ်ဆက်မပြတ် အပြန်အလှန် ဖွံ့ဖြိုးတိုးတက်မှုကို ဖန်တီးရန်ဖြစ်သည်။
ထောက်ပံ့မှုများ စီမံဆောင်ရွက်ရေးနှင့် ဘေးအန္တရာယ် တားဆီးကာကွယ်ရေးဌာန
[ပြင်ဆင်ရန်]စာသင်ခန်းသုံး၊ ကျောင်းသုံး ပစ္စည်းများ ထောက်ပံ့ရေးနှင့် ငလျင်ကဲ့သို့သော သဘာဝဘေးအန္တရာယ်များကြောင့် ဖြစ်ပေါ်လာသည့် ပျက်စီးဆုံးရှုံးမှုများ လျှော့ချနိုင်ရေး အလေးထားဆောင်ရွက်သည်။ ထို့အပြင် ပညာရေးနှင့် သုတေသနလုပ်ငန်းများတွင် တက္ကသိုလ် မိတ်ဖက်အဖွဲ့အစည်းများ ပိုမိုရရှိရန် တိုးမြှင့်လုပ်ဆောင်ရေးကိုလည်း ဆောင်ရွက်ရသည်။
ပညာရေးဌာနများ
[ပြင်ဆင်ရန်]
ဝန်ကြီးဌာနသည် ပညာရေးကဏ္ဍအတွက် အောက်ပါဌာနများ ဖွဲ့စည်းထားရှိသည်။[၁]
ပညာရေးမူဝါဒဗျူရို
[ပြင်ဆင်ရန်]ပညာရေးအခြေခံအက်ဥပဒေတွင် ပါဝင်သည့် တစ်သက်တာ သင်ကြားသင်ယူမှုလုပ်ငန်းစဉ်များ ဆောင်ရွက်ရန်ဖြစ်သည်။ ပြည့်စုံမျှတသော ပညာရေးမူဝါဒများ ချမှတ်နိုင်ရန် တာဝန်ယူရသည်။
အခြေခံပညာရေးဗျူရို
[ပြင်ဆင်ရန်]မူလတန်းကြိုပညာရေးမှသည် အခြေခံပညာ အထက်တန်းနှင့် ညီမျှသော ပညာရေး ပြီးဆုံးသည်အထိ ကာလအတွင်း ကျောင်းသားများ အဆင့်ဆင့် တိုးတက်လာစေရေး ဆောင်ရွက်ရသည်။
အဆင့်မြင့်ပညာရေးဗျူရို
[ပြင်ဆင်ရန်]ဘွဲ့ကြိုတန်းနှင့် ဘွဲ့လွန်တန်း ပညာရေးကို တိုးမြှင့်လုပ်ဆောင်ရန် အဓိကတာဝန်ယူရသည်။ ကျောင်းဝင်ခွင့်လုပ်ငန်းများ၊ ဆရာစွမ်းရည်မြှင့်လုပ်ငန်းများ၊ ပြည်တွင်း ပြည်ပ ကျောင်းသားများ ရွေးချယ် လက်ခံရေးလုပ်ငန်းများ ဆောင်ရွက်ရသည်။
အားကစားနှင့် ယဉ်ကျေးမှုဌာနများ
[ပြင်ဆင်ရန်]
ဝန်ကြီးဌာနသည် အားကစားနှင့် ယဉ်ကျေးမှုကဏ္ဍအတွက် အောက်ပါဌာနများ ဖွဲ့စည်းထားရှိသည်။[၁]
ဂျပန်အားကစားအေဂျင်စီ
[ပြင်ဆင်ရန်]ကာယပညာနှင့် ကျန်းမာရေး၊ နိုင်ငံတကာ အားကစားပွဲများတွင် ဝင်ရောက်ယှဉ်ပြိုင်နိုင်မှုကို ဆက်လက်ထိန်းသိမ်းထားရေးတို့ကို ဆောင်ရွက်ရသည်။
ယဉ်ကျေးမှုရေးရာအေဂျင်စီ
[ပြင်ဆင်ရန်]ယဉ်ကျေးမှု အနုပညာလက်ရာများကို အားပေးပံ့ပိုးလျက် နိုင်ငံတွင်း ယဉ်ကျေးမှုတစ်ရပ် ဖန်တီးရန် တာဝန်ယူရသည်။ မျှော်မှန်းချက်မှာ အမျိုးသား ယဉ်ကျေးမှုနှင့် အနုပညာများ ရရှိပေါ်ပေါက်ရေး ဖြစ်သည်။
သိပ္ပံနှင့် နည်းပညာဌာနများ
[ပြင်ဆင်ရန်]ဝန်ကြီးဌာနသည် သိပ္ပံနှင့် နည်းပညာကဏ္ဍအတွက် အောက်ပါဌာနများ ဖွဲ့စည်းထားရှိသည်။[၁]
သိပ္ပံနှင့်နည်းပညာမူဝါဒဗျူရို
[ပြင်ဆင်ရန်]
နိုင်ငံတစ်ဝန်း သိပ္ပံနှင့် နည်းပညာများ တိုးမြှင့်ဖော်ဆောင်ရေး ဆောင်ရွက်ရသည်။
သုတေသနတိုးမြှင့်လုပ်ဆောင်ရေးဗျူရို
[ပြင်ဆင်ရန်]သိပ္ပံ၊ နည်းပညာ၊ ရူပဗေဒဆိုင်ရာ သုတေသနလုပ်ငန်းများ ဆောင်ရွက်ရသည်။
သုတေသနနှင့် ဖွံ့ဖြိုးတိုးတက်မှုဗျူရို
[ပြင်ဆင်ရန်]စွမ်းအင်နှင့် သဘာဝပတ်ဝန်းကျင်ကဲ့သို့သော လူမှုရေးလုပ်ငန်းပိုင်းကို ဆောင်ရွက်သည်။ အာကာသနှင့် ပင်လယ်ရေနက်ပိုင်း စူးစမ်းရှာဖွေရေးလုပ်ငန်းများလည်း အဓိကထား လုပ်ဆောင်သည်။
ဆောင်ရွက်ချက်များနှင့် သုတေသနလုပ်ငန်းများ
[ပြင်ဆင်ရန်]ဝန်ကြီးဌာနလက်အောက်ရှိ ဌာနအသီးသီးသည် သက်ဆိုင်ရာ သုတေသနအစီအစဉ်များ၊ သုတေသနဌာနများအတွက် သိပ္ပံပညာမြှင့်တင်ရေး ဂျပန်အဖွဲ့အစည်း (Japn Society for the Promotion of Science) နှင့် ပူးပေါင်း၍ ရန်ပုံငွေထောက်ပံ့ရေးလုပ်ငန်းများလည်း ဆောင်ရွက်လျက်ရှိသည်။[၁]
လူနေမှုပတ်ဝန်းကျင်နှင့် ကလေးသူငယ် ကျန်းမာရေး
[ပြင်ဆင်ရန်]မိသားစုနှင့် ၎င်းတို့နေထိုင်ရာ ပတ်ဝန်းကျင်သည် ကလေးသူငယ်များ၏ ဖွံ့ဖြိုးရင့်ကျက်မှုအပေါ် များစွာသက်ရောက်မှုရှိကြောင်း ဝန်ကြီးဌာနက သုံးသပ်သည်။[၄]
Delta-sigma မြေပုံများ ပြောင်လဲရေးဆွဲရေး
[ပြင်ဆင်ရန်]ဝန်ကြီးဌာနသည် ဤလုပ်ငန်းစဉ်အပေါ် အပြည့်အဝမဟုတ်သော်လည်း တိုက်ရိုက်တာဝန်ရှိသည်။ မြေပုံအညွှန်းများကို ဂဏန်းခြေပြစနစ်ရော ရုပ်ဝတ္ထုအစားထိုး စနစ်ကိုပါ အသုံးပြုသည့် analog-digital မြေပုံများ ရေးဆွဲသည့် အစီအစဉ်ဖြစ်သည်။[၈]
ပညာရေး အစီအစဉ်များ
[ပြင်ဆင်ရန်]MEXT သည် JET အစီအစဉ်ကို ဆောင်ရွက်နေသည့် ဝန်ကြီးဌာန သုံးခုအပါအဝင်ဖြစ်သကဲ့သို့၊ MEXT စကောလားရှစ်ကိုလည်း နှစ်စဉ်ချီးမြှင့်သည်။ ဂျပန်အက္ခရာများကို ရောမအက္ခရာသို့ ဖလှယ်ရေးကိုလည်း ဆောင်ရွက်သည်။[၉]
ပြည်ပရောက် ဂျပန်မိသားစုဝင်များအတွက် သတင်းအချက်အလက် မျှဝေရာ Children Living Abroad and Returnees Internet (CLARINET) ကိုလည်း ထောက်ပံ့ပေးသည်။[၁၀]
ဂျပန် ကျောင်းသားဝန်ဆောင်မှု အဖွဲ့အစည်း (JASSO) နှင့် ပူးပေါင်း၍ နိုင်ငံတကာ ကျောင်းသားများအတွက် "Japanese Fulbright program" ဟု ခေါ်ဝေါ်ကြသည့် JASSO ပညာသင်ဆု ချီးမြှင့်သည်။[၁၁][၁၂] ဂျပန်တက္ကသိုလ်များတွင် တက်ရောက်နေသည့် နိုင်ငံခြားကျောင်းသားများအနက် ထိပ်ဆုံး ၁% ကို တစ်လလျှင် ဂျပန်ယန်း ရှစ်သောင်းအထိ ထောက်ပံ့ခြင်းဖြစ်သည်။[၁၃]
ပြည်ပရှိ ဂျပန်နိုင်ငံတကာ ကျောင်းများဖြစ်သည့် နိဟွန်းဂျင်း ဂတ်ကိုး[၁၄] နှင့် ဟိုရှူး ဂျူးဂယောကိုး တို့အတွက် ကမ္ဘာတစ်ဝန်းရှိ ဆရာ၊ ဆရာမများ စေလွှတ်လျက်ရှိသည်။[၁၅] ထို့ပြင် ကျောင်းသား ၁၀၀ကျော်စီရှိသည့် အပတ်စဉ်ကျောင်းများကိုလည်း အမတော်ကြေးများ ထောက်ပံ့ပေးသည်။[၁၆]
ဖော်ပြပါလည်းရှု
[ပြင်ဆင်ရန်]ကိုးကား
[ပြင်ဆင်ရန်]- ↑ ၁.၀ ၁.၁ ၁.၂ ၁.၃ ၁.၄ ၁.၅ MEXT : MEXT။ 2020-01-31 တွင် ပြန်စစ်ပြီး။
- ↑ Johnston၊ David။ Japan Ministry of Education, Culture, Sports, Science and Technology: Undergraduate Scholarship (in en-gb)။ 2020-02-07 တွင် ပြန်စစ်ပြီး။
- ↑ Swinbanks, David (September 1996). "Postdoctoral positions galore in Japan" (in en). Nature 383 (6596): 200. doi:. ISSN 1476-4687.
- ↑ ၄.၀ ၄.၁ Bando, Kumiko (2011). "Efforts of MEXT (the Ministry of Education, Culture, Sports, Science and Technology)" (in ja). Trends in the Sciences 16 (8): 24–27. doi:. ISSN 1884-7080.
- ↑ 宏之, 萬谷 (2011). "文部科学省における取組状況". 学術の動向 16 (12): 12_50–12_51. doi:.
- ↑ Swinbanks, David (1996-09-01). "Japan to double university project grants" (in en). Nature 383 (6597): 206. doi:. ISSN 1476-4687.
- ↑ Reischauer, Edwin O. et al. (2005), The Japanese Today, p.187.
- ↑ Imoda, N. (2017-07-01). "Delta-sigma conversion for graph signals **This work was partly supported by Grant-in-Aid for Challenging Exploratory Research #16K14283 from the Ministry of Education, Culture, Sports, Science, and Technology of Japan." (in en). IFAC-PapersOnLine 50 (1): 9303–9307. doi:. ISSN 2405-8963.
- ↑ Archived copy (in ja)။ 文部科学省။ Ministry of Education, Culture, Sports, Science and Technology။ 29 May 2013 တွင် မူရင်းအား မော်ကွန်းတင်ပြီး။ 8 April 2021 တွင် ပြန်စစ်ပြီး။
- ↑ "CLARINETへようこそ." MEXT. Retrieved on April 17, 2015.
- ↑ JASSO Scholarship။ 10 April 2020 တွင် မူရင်းအား မော်ကွန်းတင်ပြီး။ 10 August 2020 တွင် ပြန်စစ်ပြီး။
- ↑ Scholarships - Mannheim University။ 10 August 2020 တွင် ပြန်စစ်ပြီး။
- ↑ JASSO Scholarship။ 10 April 2020 တွင် မူရင်းအား မော်ကွန်းတင်ပြီး။ 10 August 2020 တွင် ပြန်စစ်ပြီး။
- ↑ "Controlled internationalization: The case of kikokushijo from Belgium" (1995). International Journal of Educational Research 23. doi:. “The majority of teachers are sent from Japan by the Ministry of Education.”
- ↑ "Section 4. Well-Being of Japanese Nationals Overseas" (). Diplomatic Bluebook 1987 Japan's Diplomatic Activities. Ministry of Foreign Affairs. Retrieved on March 8, 2015.
- ↑ Doerr, Musha Neriko (Brookdale Community College) and Kiri Lee (Lehigh University). "Contesting heritage: language, legitimacy, and schooling at a weekend Japanese-language school in the United States" (). Language and Education. Vol. 23, No. 5, September 2009, 425–441. CITED: p. 426.
ပြင်ပလင့်ခ်များ
[ပြင်ဆင်ရန်]