ပန်းရွှေမိကျောင်း
ပန်းရွှေမိကျောင်း ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။
အကြောင်းအရာ
[ပြင်ဆင်ရန်]၁၂၄၄ ခုနှစ်၊ ဝါဆိုလတွင် သီပေါဘုရင် အရှင်နှစ်ပါး ရန်ကင်းတောင် ကျောက်စေတီဘုရားသို့ ထွက်တော်မူရာ ထားဝယ်ဗိုလ်က မိကျောင်းပန်းဆက်သည်။ ၎င်းပန်း အကြောင်းကို အမိန့်တော်အရ သီကုံးဖွဲ့ဆိုထားခြင်း ဖြစ်သည်။ ဆုတော်ငွေအဖြစ် ၁၀၀၀ ကျပ် သနားတော်မြတ် ခံခဲ့ရသည်။
ပန်းရွှေမိကျောင်း
[ပြင်ဆင်ရန်]မဆွတ်ခင် ညွှတ်ချင်ရက်ဟာမို့၊ အခက်နှင့်အခိုင်မတော့၊ မကိုင်လျှင်သာ သာသာပ၊ ကိုင်ပြန်လျှင်ယိုင်ခါခါနှင့်၊ ပြိုင်မကြာ ခိုင်ညှာကပြုတ်တော့မထင့်၊ ပန်းပုပ္ဇပွင့်ပွေလီ။
ထိမ်းအမှတ်၊ ဝိဉာတ် ဝစီဒွါနှင့်၊ သညာထင်စွာပြုရှာကြ၊ သံသုမာဆိုထင့်၊ ခရာပို လတာညိုပန်းတွေက၊ ဆန်းပေ့စီရရီ။
ရွှေနန်းသူဟန်ပွေလီတဲ့အောင်၊ ရွှေကေသီတော်ပေါ်မှဆင်တဲ့၊ ဂေါ်သဇင်ဒေဝီမှန်တို့ကို၊ အာခံကာ ကာပြန်ဝင့်ပြီဟု၊ သဒ္ဒါလန်ရာဇဒဏ်သင့်မည်ကြောင့်၊ မြိုင်မင့်ခွင်စုံညိုညိုတို့မှာ၊ ဂုဏ်သိုသိုအသာကွယ်၍၊ ဆာမကျယ်ခမျာငယ်ပွင့်ရှာကြ၊ နန်းနှင့်ဖြင့်သူမသိ၊ မလီငဲ့ဘိကောင်း။
ရဂုံထဲမှာမို့၊ ပုံကွာဆင်တော်မူရအောင်၊ ရွှေတံချူဆောင်မချွတ်ပြီဘု၊ ခေါင်ထွဋ်ညှာတံက၊ သာအမြန်ဖျာ့ကျွန်ဖြုတ်ခဲ့ပေါ့၊ ရွှေဥသျှောင်တော်ပေါ်မှာဆင်တဲ့ ဂေါ်သဇင် ဒေဝီလှုံတို့လို ပုံတမူ ယဉ်ယဉ်နှင့်၊ မူတသွင် ဆန်းရေဖြင့် ရှိပါလိမ့် ပန်းရွှေမိကျောင်း။
ခက်ဆစ်
[ပြင်ဆင်ရန်]၁။ ပုပ္ဖ = အပင်မှပွင့်သောပန်း။
၂။ ဝိညာတ် = ဝညာတ၊ သိအပ်ပြီးသော၊ ကျော်စောသော။
၃။ ဝစီဒွါ = နုတ်ထွက်စကား။
၄။ သညာ = အမှတ်အသား။
၅။ သံသုမာရ = မိကျောင်း။
၆။ လတာ = အနွယ်မှပွင့်သောပန်း။
မှတ်ချက်
[ပြင်ဆင်ရန်]ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် နာမည်ပေးခဲ့ခြင်း မဟုတ်ပါ။ သင့်တော်မည်ထင်သော နာမည်ကို ပေးထားခြင်း ဖြစ်သည်။
ကိုးကား
[ပြင်ဆင်ရန်]- ↑ မောင်းထောင်းဦးကျော်လှ၏ သံချိုကဗျာပေါင်းချုပ်။ ယဉ်ကျေးမှုဝန်ကြီးဌာန၊ ယဉ်ကျေးမှုဗိမာန်ဌာန။ နိုဝင်ဘာ ၁၉၈၃။