မကောင်း၊ ကျောင်းပို့

မကောင်း၊ ကျောင်းပို့ သည် မြန်မာဆိုရိုးစကား ဖြစ်သည်။

အဓိပ္ပာယ်

“မကောင်း ကျောင်းပို့” ဆိုသည်မှာ အဓိပ္ပာယ်နှစ်မျိုးရှိသည်။

၁။ အိမ်တွင် မထားလိုတော့သော အသုံးအဆောင်ပစ္စည်းများ၊ အဝတ်အစားများ စသည်တို့ကို ဘုန်းကြီးကျောင်းသို့ ပေးပို့လှူဒါန်းခြင်းကို ဆိုလိုသည်။ မိမိအတွက် အသုံးမဝင်တော့သော ပစ္စည်းများကို အခြားသူများ အသုံးပြုနိုင်ရန် လှူဒါန်းခြင်းသည် ကောင်းမှုတစ်မျိုးဖြစ်သည်။

၂။ အိမ်တွင် ဆိုးသွမ်းနေသော ကလေးများကို လိမ္မာယဉ်ကျေးလာစေရန် ဘုန်းကြီးကျောင်းသို့ ပို့အပ်ထားခြင်းကို ဆိုလိုသည်။ ဘုန်းကြီးကျောင်းတွင် ဆရာတော်များ၏ ဆုံးမဩဝါဒနှင့် စည်းကမ်းများကြောင့် ကလေးများ၏ အကျင့်စာရိတ္တများ တိုးတက်ကောင်းမွန်လာနိုင်သည်ဟု ယုံကြည်ကြသည်။ ဤအဓိပ္ပာယ်အရ “မကောင်း ကျောင်းပို့” ဆိုသည်မှာ ဆိုးသွမ်းသော ကလေးကို ကောင်းမွန်သော ပတ်ဝန်းကျင်သို့ ပို့ဆောင်ပေးခြင်းဖြင့် ပြုပြင်ပြောင်းလဲပေးနိုင်သည်ဟု ဆိုလိုသည်။

ကိုးကားချက်များ

• "သူတချို့ကား၊ ကိုယ်ဖို့ကောင်းရာ၊ ဝတ်စားပါ၍၊ များစွာပိုမို၊ မလိုချင်ကြောင်း၊ ထားမကောင်းလျှင်၊ ကျောင်းကိုပို့လေ၊ ဆိုသောထွေဖြင့်၊"
• "မကောင်းကျောင်းပို့။ ရပ်ရွာထဲတွင် ကျောင်းမနေဘဲ ဆိုးပေ နေသောကလေးအား ကျောင်းသို့ ပို့အပ်ထားပေးပါက အကြီးအကြပ်၊ အကွပ် အထိန်း၊ အဆုံးအမဖြင့် လူတော် ဖြစ်လာနိုင်သည်။"