မြူးနစ်ခ် တက္ကသိုလ်
လူ့တ်ဗစ်ရှ်-မာ့က်ဆီမီလီအန် မြူးန်ဟယ်န် တက္ကသိုလ်(ဂျာမန်: Ludwig-Maximilians-Universität München)၊ အများသိသော နာမည်အားဖြင့် မြူးနစ်ခ် တက္ကသိုလ်(အင်္ဂလိပ်: University of Munich, LMU, LMU Munich)သည် ဂျာမနီနိုင်ငံ၊ မြူးနစ်ခ်မြို့ရှိ အစိုးရ တက္ကသိုလ်ဖြစ်သည်။
| Ludwig-Maximilians-Universität München | |
 | |
| လက်တင်: Universitas Ludovico-Maximilianea Monacensis[၁] | |
| အမျိုးအစား | အများပိုင် |
|---|---|
| တည်ထောင် | ၁၄၇၂ |
| ဘက်ဂျက် | €၇၉၇.၄ သန်း (၂၀၂၂)[၂] |
| ဥက္ကဋ္ဌ | Bernd Huber |
ဆရာဦးရေ | ၅,၅၆၅ (၂၀၁၈)[၂] |
ဝန်ထမ်းဦးရေ | ၈,၂၀၈ (၂၀၁၈)[၂] |
| သင်တန်းသား | ၅၂,၉၇၂ (WS ၂၀၂၃/၂၀၂၄)[၂] |
| တည်နေရာ | မြူးနစ်ခ်မြို့, ဘာဗာရီးယား, ဂျာမနီနိုင်ငံ 48°09′03″N 11°34′49″E / 48.15083°N 11.58028°Eကိုဩဒိနိတ်: 48°09′03″N 11°34′49″E / 48.15083°N 11.58028°E |
| နိုဘယ် ဆုရှင်များ | ၄၃ ဦး (အောက်တိုဘာ ၂၀၂၀) |
| အထိမ်းအမှတ် အရောင် | အစိမ်းနှင့် အဖြူ |
| နှီးနွယ်အဖွဲ့အစည်းများ |
|
| ဝဘ်ဆိုဒ် | lmu.de |
 | |
ကျောင်းသား ၄၄,၀၀၀ ကျော်ဖြင့် ဂျာမနီနိုင်ငံတွင် ဒုတိယ အကြီးဆုံး တက္ကသိုလ်ဖြစ်သည်။ ဥရောပရှိ တက္ကသိုလ်များနှင့် နှီးနှောဖလှယ်ရာတွင် တက်ကြွစွာ ပါဝင်သည်။ ၁၄၇၂ ခုနှစ်တွင် အင်ဂိုလ်ရှတာ့တ်၌ အင်ဂိုလ်ရှတာ့တ် တက္ကသိုလ်အဖြစ် တည်ထောင်ခဲ့သည်။ ၁၈၀၀ ပြည့်နှစ်တွင် လန့်ခ်ျဟူ့တ်သို့ ပြောင်းရွှေ့ခဲ့ပြီး ၁၈၀၂ ခုနှစ်တွင် ဘိုင်အယ်ရင် ဘုရင် ပထမမြောက် မာ့က်ဆီမီလီအန်၏ နာမည်ကို ယူ၍ မာ့က်ဆီမီလီအန် တက္ကသိုလ်ဟု အမည် ပြောင်းခဲ့သည်။ ၁၈၂၆ ခုနှစ်တွင် ပထမမြောက် လူ့တ်ဗစ်ရှ်ဘုရင်က မြူးနစ်ခ်မြို့သို့ ပြောင်းရွှေ့ကာ လူ့တ်ဗစ်ရှ်-မာ့က်ဆီမီလီအန် မြူးနစ်ခ် တက္ကသိုလ်ဟူ၍ ဖြစ်လာခဲ့သည်။ ၂၀၀၆ ခုနှစ်မှ ယနေ့အထိ အထက်တန်းစား တက္ကသိုလ်တစ်ခုအဖြစ် ရွေးချယ်ခံရကာ ဂျာမန်သုတေသနအသင်း (Deutsche Forschungsgemeinschaft) မှ ခန့်ခွဲသည့် ကောင်းမွန်သော တက္ကသိုလ်များ ဖွံ့ဖြိုးတိုးတက်ရေး ပေါ်လစီဖြင့် ပံ့ပိုးမှုကို ရရှိလျက် ရှိသည်။ စီးပွားရေး ခန့်ခွဲမှုနှင့် စီးပွားရေး အဆင့်မြင့်ပညာ (BWL၊ VWL၊ Wipäd) သည် Wirtschaftswoche ဟူသော စီးပွားရေး အပတ်စဉ်မှ ၂၀၂၂၊ ၂၀၂၃ နှင့် ၂၀၂၄ ခုနှစ်များအတွက် စီးပွားရေးစီမံခန့်ခွဲမှု ပိုင်းခွဲ၌ ဂျာမနီ နံပါတ် ၁ တက္ကသိုလ်ဌာနအဖြစ် သတ်မှတ်ခြင်းခံရသည်။[၃]