ရည်းစားတစ်ထောင်၊ လင်ကောင်တစ်ယောက်

ရည်းစားတစ်ထောင်၊ လင်ကောင်တစ်ယောက် သည် မြန်မာဆိုရိုးစကား ဖြစ်သည်။

အဓိပ္ပာယ်

“ရည်းစားတစ်ထောင်၊ လင်ကောင်တစ်ယောက်” ဆိုသည်မှာ အဓိပ္ပာယ်နှစ်မျိုးဖြင့် အသုံးပြုသော ဆိုရိုးစကားဖြစ်သည်။

၁။ “ရည်းစားတစ်ထောင်” (ရည်းစား အများအပြား ထားရှိခြင်း) ပြီးမှ “လင်ကောင်တစ်ယောက်” (ခင်ပွန်းအဖြစ် တစ်ဦးတည်းကို ရွေးချယ်ခြင်း) ဟု ဆိုလိုသည်။ အချို့သော အမျိုးသမီးများသည် အိမ်ထောင်မပြုမီ အမျိုးသား အများအပြားနှင့် ရင်းနှီးကျွမ်းဝင်ပြီးမှ မိမိနှင့် သင့်တော်သောသူကို ခင်ပွန်းအဖြစ် ရွေးချယ်လေ့ရှိသည်ကို ဖော်ပြသည်။ ဤအဓိပ္ပာယ်အရ ဆိုရိုးစကားသည် ရွေးချယ်မှု၏ အရေးပါမှုကို ဖော်ပြသည်။

၂။ အပျိုဘဝတွင် “ရည်းစားတစ်ထောင်” (ရည်းစား အများအပြား ရှိနိုင်သော်လည်း) အိမ်ထောင်ပြုပြီးနောက်တွင် “လင်ကောင်တစ်ယောက်” (ခင်ပွန်း တစ်ဦးတည်းသာ ရှိရမည်) ဟု ဆိုလိုသည်။ ဤအဓိပ္ပာယ်အရ ဆိုရိုးစကားသည် အိမ်ထောင်ရေး၏ တစ်ခုတည်းသော သစ္စာရှိမှုကို ဖော်ပြသည်။

ကိုးကားချက်များ

• "ရည်းစားတစ်ထောင်၊ လင်တစ်ကောင်ဟု၊ လူ့ဘောင်ဆိုရိုး၊ မော်ကွန်းထိုးရှင့်၊"
• "ကျွန်တော့်ရည်းစားဟာ ရည်းစားတစ်ထောင် လင်ကောင်တစ်ယောက်ဆိုတဲ့ သောကောရောကောအစားထဲက မဟုတ်ပါဘူး၊ အင်မတန် စောင့်စောင့် စည်းစည်းရှိတဲ့ အစားထဲကပါ၊"
• "လင်ရယ်သားရယ်လို့အထင်အရှားဖြစ်လာတဲ့တစ်နေ့ မျက်နှာမပြောင်းရင် ပြီးတာပဲ၊ ရည်စားတစ်ထောင် လင်ကောင်တစ်ယောက်ဆိုတာ ရှင်နားလည်လိမ့်မယ်။"