လင်စံရွေး လင်ခွေးနှင့်ညား

လင်စံရွေး လင်ခွေးနှင့်ညား သည် မြန်မာဆိုရိုးစကား ဖြစ်သည်။

အဓိပ္ပာယ်

“လင်စံရွေး လင်ခွေးနှင့်ညား” ဆိုသည်မှာ အိမ်ထောင်ဖက် ရွေးချယ်ရာတွင် အလွန်အကျွံ ရွေးချယ်ခြင်း၏ အကျိုးဆက်ကို ဖော်ပြသော ဆိုရိုးစကားဖြစ်သည်။

• “လင်စံရွေး” ဆိုသည်မှာ “လင်” (လင်ယောက်ျား) ကို “စံရွေး” (စံထားပြီး အလွန်အကျွံ ရွေးချယ်ခြင်း) ဟု ဆိုလိုသည်။
• “လင်ခွေးနှင့်ညား” ဆိုသည်မှာ အလွန်အကျွံ ရွေးချယ်မှုများကြောင့် အဆုံးတွင် “လင်ခွေး” (မကောင်းသော လင်ယောက်ျား၊ အသုံးမကျသော လင်ယောက်ျား) နှင့် “ညား” (အိမ်ထောင်ကျ) ရတတ်သည်ဟု ဆိုလိုသည်။

ဆိုလိုသည်မှာ အိမ်ထောင်ဖက်ကို အလွန်အကျွံ စံထားရွေးချယ်ပါက အဆုံးတွင် မိမိနှင့် မသင့်လျော်သော သို့မဟုတ် မကောင်းသော လင်ယောက်ျားနှင့်သာ အိမ်ထောင်ကျတတ်သည်ဟု ဆိုလိုသည်။ အရာရာတွင် အလွန်အကျွံ မလုပ်သင့်ကြောင်းကို ဖော်ပြသော ဆိုရိုးစကားဖြစ်သည်။ “လင်စံရွေးခါမှ လင်ခွေးနှင့်ညား” နှင့် “လင်စံရွေးတော့ လင်ခွေးရ” ဟူ၍လည်း အသုံးပြုသည်။

ကိုးကားချက်များ

• "လင်စံရွေးလျှင်၊ လင်ခွေးနှင့်ညား၊ ဆိုစကားကို၊ နားမဝင်ရှောင်း၊ အယူစောင်းခဲ့၊"
• "မိမိအဖို့တွင် ပျော်ရွှင်နိုင်ဖွယ်မရှိပြီ။ မိမိမှာ လင်စံရွေးခါမှ လင်ခွေးနှင့် ညားရတော့မည်။"
• "ရှေးစကားပုံလိုလင်ံစရွေးတော့လင်ခွေးရဆိုသောအလား ရွေးချယ်လွန်းသည့် မိန်းမတို့၌…၊"