ဝိဇယသုတ်
| ပိဋကတ် သုံးပုံ |
|---|
| ဝိနယပိဋက |
| သုတ္တန်ပိဋကတ် |
| အဘိဓမ္မာပိဋကတ် |
ခန္ဓာကိုယ်၌ တပ်မက်စွဲလမ်းမှ ဆန္ဒရာဂ (တဏှာ, လောဘ)ကို-အောင်နိုင်-အောင်မြင်-ကြောင်းဖြစ်သောသုတ်၊ ခန္ဓာကိုယ်၌ တပ်မက်စွဲလမ်းမျှ ဆန္ဒရာဂကို-အောင်နိုင်-အောင်မြင်-ဘို့ရန် ဟောကြားတော်မူအပ်သောသုတ်။ [၁]
(ဤသုတ်ကို နန္ဒသုတ်-ဟူ၍လည်းကောင်း ကာယဝိစ္ဆန္ဒနိကသုတ်-ဟူ၍လည်းကောင်း ခေါ်ဆိုသေး၏။ [၂]
(ဘုရားရှင်သည် မိမိခန္ဓာကိုယ်ကို တပ်မက်တွယ်တာမှု ဆန္ဒရာဂအားကြီးသူ, တစ်ပါးသူ၏ ခန္ဓာကိုယ်ကို တပ်မက်တွယ်တာမှု ဆန္ဒရာဂအားကြီးသူတို့အား ဤသုတ်ကို ဟောတော်မူ၏။
ဘုရားရှင်သည် ဤဝိဇယသုတ်ကို ၂-ကြိမ်ဟောတော်မူရာ ပဌမအကြိမ် သာဝတ္ထိပြည်၌ ဇနပဒကလျာဏီ = နန္ဒာထေရီမကို အကြောင်းပြုဟောတော်မူ၍ ဒုတိယအကြိမ် ရာဇဂြိုဟ်ပြည် သိရီမာပြည့်တန်ဆာမကို အကြောင်းပြု ဟောတော်မူသည်။
ပဌမအကြိမ် ဟောတော်မူသည့် အဆုံး၌ ဇနပဒကလျာဏီ = နန္ဒာထေရီမသည် ပြင်းစွာထိတ်လန့်ခြင်းသို့ ရောက်၍ ဤသုတ်ကို အဖန်ဖန် နှလုံးသွင်းလျက် ထိုသုညတကမ္မဋ္ဌာန်းကို စီးဖြန်းခြင်းဖြင့်ပင် ၂-ရက်, ၃-ရက်အတွင်း၌ အရဟတ္တဖိုလ်သို့ ရောက်၍ ရဟန္တာမဖြစ်လေသည်။
ဒုတိယအကြိမ် ဟောတော်မူသည့် အဆုံး၌ သိရီမာပြည့်တန်ဆာမ၏ ဈာပနပွဲလာ ပရိသတ်ပေါင်း (၈၄၀၀၀) ရှစ်သောင်း လေးထောင် ကျွတ်တမ်းဝင်ကြကာ သိရီမာ နတ်မိဖုရား အနာဂါမ်တည်၍ သိရီမာကို တပ်မက်စွဲလမ်းနေသောရဟန်းသောတာပန် တည်သည်။ [၃]