အမြီး
အမြီး (Tail) သည် သတ္တဝါ၏ ကိုယ်ခန္ဓာနောက်ပိုင်းတွင် ရှည်လျားစွာ ထိုးထွက်နေသော အစိတ်အပိုင်းဖြစ်သည်။ အမြီးသည် သတ္တဝါ၏ ကိုယ်ခန္ဓာ၏ အလယ်မျဉ်းမှ နောက်သို့ ဆန့်ထွက်နေသော လှုပ်ရှားနိုင်သည့် အပိုအစိတ်အပိုင်းတစ်ခုဖြစ်သည်။ ကျောရိုးရှိသတ္တဝါများ (ဥပမာ- ဖား၊ လူနှင့် အခြားမျောက်ဝံများ) တွင် အမြီးမပါရှိသော်လည်း၊ ၎င်းတို့၏ မြီးညှောင်ရိုး coccyx သည် အမြီး၏ ဆင့်ကဲပြောင်းလဲမှုကြောင့် ကျန်ရစ်ခဲ့သော အစိတ်အပိုင်းဖြစ်သည်။ အမြီးများကို အဓိကအားဖြင့် ကျောရိုးရှိသတ္တဝါများတွင် တွေ့ရသော်လည်း၊ ကျောရိုးမဲ့သတ္တဝါများ (ဥပမာ- ကင်းမြီးကောက်၊ ပုရွက်ဆိတ်) တွင်လည်း အမြီးနှင့်တူသော အစိတ်အပိုင်းများ ပါရှိသည်။
အမြီးပုံစံရှိသော အရာဝတ္ထုများကို "caudate" (ဥပမာ- caudate lobe, caudate nucleus) ဟု ခေါ်ဆိုလေ့ရှိပြီး၊ အမြီးနှင့် ဆက်စပ်နေသော ကိုယ်ခန္ဓာအစိတ်အပိုင်းများကို "caudal" ဟု သတ်မှတ်လေ့ရှိသည်။
လုပ်ဆောင်ချက်များ
[ပြင်ဆင်ရန်]
သတ္တဝါများ၏ အမြီးများကို မျိုးစုံသော နည်းလမ်းများဖြင့် အသုံးပြုကြသည်။ ငါး၊ ဝေလငါးနှင့် မိကျောင်းကဲ့သို့သော ရေနေသတ္တဝါများသည် အမြီးကို ရေထဲတွင် ရွေ့လျားရန် အတွက် အသုံးပြုကြသည်။[၁] ကုန်းနေသတ္တဝါများ (ဥပမာ- ကြောင်၊ သားပိုက်ကောင်) သည် အမြီးကို ဟန်ချက်ညီရန် အတွက် အသုံးပြုကြသည်။ အချို့သတ္တဝါများ (ဥပမာ- မျောက်၊ အိုပိုဆမ်) သည် အမြီးကို သစ်ပင်ပေါ်တွင် လှုပ်ရှားရန် အတွက် အသုံးပြုကြသည်။[၂][၃][၄]
မြင်းနှင့် နွားကဲ့သို့သော သတ္တဝါများသည် အမြီးကို ပိုးမွှားများ မကပ်စေရန်နှင့် ယင်မောင်းရန်အတွက် အသုံးပြုကြသည်။[၅][၆] အချို့သတ္တဝါများတွင် ပြန့်ကား၍ ဖွာထွက်နေသော အမြီးများ ပိုင်ဆိုင်သည်။ ဥပမာ၊ မြေခွေးကဲ့သို့သော သတ္တဝါများသည် အမြီးကို အနွေးထည်အဖြစ် အသုံးပြုကြသည်။
အချို့သတ္တဝါများ၏ အမြီးများသည် ရန်လိုသော လုပ်ဆောင်ချက်များအတွက် အသုံးပြုကြသည်။[၇] ငါးလိပ်ကျောက်နှင့် ကင်းမြီးကောက်များသည် အမြီးတွင် အဆိပ်ပါသော ဆူးပါရှိပြီး၊ သားကောင်ကို သတ်ရန် သို့မဟုတ် ရန်သူကို တိုက်ခိုက်ရန် အသုံးပြုကြသည်။ ငါးမန်းများသည် အမြီးကို သားကောင်ကို ထိန်းချုပ်ရန် အတွက် အသုံးပြုကြသည်။ အချို့မြွေများသည် အမြီးကို သားကောင်များကို ဆွဲဆောင်ရန် အစာအဖြစ် အသုံးချသည်။ သားကောင်များမှာ မြွေအမြီးကို မိမိတို့ အစာအဖြစ် မှတ်ထင်ကြသည်။
အမြီးများကို ဆက်သွယ်ရေးနှင့် အချက်ပြရန် အတွက်လည်း အသုံးပြုကြသည်။ ခွေးများသည် အမြီးကို စိတ်အခြေအနေနှင့် ရည်ရွယ်ချက်ကို ဖော်ပြရန် အတွက် အသုံးပြုကြသည်။ သမင်များသည် အမြီး၏ အောက်ဘက်ကို ပြသခြင်းဖြင့် အခြားသမင်များကို အန္တရာယ်အကြောင်း အချက်ပေးကြသည်။
အချို့သတ္တဝါများ (ဥပမာ- အိမ်မြှောင်၊ ပုတ်သင်ညို) သည် ရန်သူများမှ လွတ်မြောက်ရန် အတွက် အမြီးကို ဖြတ်တောက်နိုင်စွမ်းရှိကြသည်။ အမြီးပြတ်သည် ပြန်လည်ကြီးထွားလာနိုင်သော်လည်း၊ နဂိုအမြီးကဲ့သို့ မဟုတ်ဘဲ အရောင်မှောင်ပြီး အရိုးမပါဘဲ အရွတ်သာပါရှိသည်။
ငှက်၏ အမြီးများသည် ပျံသန်းရာတွင် လမ်းကြောင်းပြရန် အတွက် အသုံးပြုကြသည်။ အချို့ငှက်များသည် အမြီးကို မိတ်လိုက်ရာတွင် အသုံးပြုကြသည်။
လူသားများနှင့် အမြီး
[ပြင်ဆင်ရန်]လူသားများတွင် tail bud သည် သန္ဓေသားဘဝတွင် ကျောရိုးအဆုံးအဖြစ် ဖွံ့ဖြိုးလာသော အစိတ်အပိုင်းဖြစ်သည်။ သို့သော်၊ ဤအရာသည် အမြီးမဟုတ်ပါ။ အချို့ကလေးငယ်များတွင် အရိုးမပါဘဲ သွေးကြောများ၊ ကြွက်သားများနှင့် အာရုံကြောများသာပါရှိသော "ပျော့ပျောင်းသော အမြီး" ဖြင့် ရှားရှားပါးပါး မွေးဖွားလာတတ်သည်။ ဤအရာကို အမြီး၏ ဆင့်ကဲပြောင်းလဲမှုကြောင့် ဖြစ်ပေါ်လာသော အမှားအယွင်းတစ်ခုအဖြစ် သတ်မှတ်ကြသည်။
လူသားများတွင် coccyx (မြီးညှောင့်ရိုး) ဟုခေါ်သော အရိုးအစိတ်အပိုင်းတစ်ခု ပါရှိသည်။ ၎င်းသည် ကျောရိုးအောက်ခြေတွင် ရှိသော အရိုးလေးခုပါရှိပြီး၊ ပုံမှန်အားဖြင့် အပြင်သို့ မထွက်ပါ။
ဓာတ်ပုံများ
[ပြင်ဆင်ရန်]-
ခြင်္သေ့ (Panthera leo) -
-
ဝက် (Sus domestica) -
Glyptodon (Glyptodon asper) -
ငါးမန်း (Lactoria cornuta) -
မြင်းကျားပြောက် (Equus grevyi) -
မိကျောင်း (Alligator mississipiensis) -
ရေမြင်း (Hippopotamus amphibius) -
ဝံပုလွေ (Canis rufus)
.006_-_Aquarium_Finisterrae.JPG)
ဆက်စပ်အကြောင်းအရာများ
[ပြင်ဆင်ရန်]- Empennage - လေယာဉ်နောက်မြီး
- Rump (animal) - သတ္တဝါ၏ နောက်ပိုင်း
ကိုးကား
[ပြင်ဆင်ရန်]- ↑ Robert W. Blake (26 May 1983)။ Fish Locomotion။ CUP Archive။ p. 143။ ISBN 978-0-521-24303-2။
- ↑ "The role of mouse tails in response to external and self-generated balance perturbations on the roll plane" (2024-11-06). Journal of Experimental Biology 227 (21): jeb247552. doi:. ISSN 0022-0949. PMID 39318334.
- ↑ Outwitting Cats: Tips, Tricks and Techniques for Persuading the Felines in Your Life That What You Want Is Also What They Want။ Rowman & Littlefield။ 2004။ p. 21။ ISBN 978-1-59921-625-6။
- ↑ Byron Dawson (2003)။ The Heinemann Science Scheme။ Heinemann။ p. 125။ ISBN 978-0-435-58332-3။
- ↑ Gilbert WALDBAUER; Gilbert Waldbauer (30 June 2009)။ What Good Are Bugs? Insects in the Web of Life။ Harvard University Press။ p. 253။ ISBN 978-0-674-04474-6။
- ↑ Mary Pope Osborne; Natalie Pope Boyce (28 October 2014)။ Magic Tree House Fact & Fiction: Horses။ Random House Children's Books။ p. 113။ ISBN 978-0-553-52368-3။
- ↑ Adele Richardson (1 July 2002)။ Scorpions။ Capstone။ p. 20။ ISBN 978-0-7368-1318-1။
ပြင်ပလင့်
[ပြင်ဆင်ရန်]
Wikimedia Commons ရှိ Tails နှင့်ပတ်သက်သော မီဒီယာများ
