ဥဒကဒါယိကာထေရီ

ဥဒကဒါယိကာထေရီ သည် မြတ်စွာဘုရား၏ သာသနာတော်ရှိ ရဟန်းမိန်းမတစ်ပါး ဖြစ်သည်။

ဘဝဇာတ်ကြောင်း

ရှေးအတိတ်ဘဝ

ဤဘဒ္ဒကမ္ဘာမှ ရေတွက်သော် ကိုးဆယ့်တစ်ကမ္ဘာအထက် ကာလတွင် ဖြစ်၏။ ထိုဘဝတွင် ဥဒကဒါယိကာထေရီသည် ရေရောင်းခြင်းဖြင့် အသက်မွေးဝမ်းကြောင်း ပြုရသူ ရေသည်မ ဖြစ်ခဲ့၏။ ထိုရေသည်မသည် ရေခပ်၍ ရဟန်းတို့၏ ရေချိုးအိမ်တွင် ရေတည်၍ ကုသိုလ်ပြု၏။ ထိုပြုခဲ့သည့် ကုသိုလ်ကံသသည် သေလွန်သည့်အခါ တာဝတိံသာဘုံသို့ ရောက်စေ၏။

ထိုနတ်ပြည်တွင် တစ်ထောင်သော နတ်သမီးတို့တွင် အသာလွန်အမြတ်ဆုံး ဖြစ်ခဲ့၏။ ထို့ပြင် ငါးဆယ်သော နတ်မင်းတို့၏ မိဖုရား အဖြစ်ကို လည်းကောင်း၊ နှစ်ဆယ်သော စကြဝတေးမင်းတို့၏ မိဖုရား အဖြစ်ကိုလည်းကောင်း ရရှိခဲ့လေသည်။

ထိုသို့ ရေလှူဒါန်းခဲ့သည့် အကျိုးကြောင့် လူ့ဘဝ၊ နတ်ဘဝနှစ်မျိုးတွင်သာ ကျင်လည်ခဲ့ရ၏။ ဒုဂ္ဂတိဘဝသို့ မရောက်ခဲ့ရပေ။