တောင်ပြုံးမင်းကြီး

တောင်ပြုံးမင်းနှစ်ပါးနှင့် မယ်တော် မယ်ဝဏ္ဏ

ရွှေဖျဉ်းကြီးနှင့် ရွှေဖျဉ်းငယ်နတ်တို့သည် ပုဂံ၊ အနော်ရထာမင်းလက်ထက်(၄ဝ၆-၄၃၉) သထုံမြို့မှ ဗျတ္တနှင့် ပုပ္ပားပန်းစားဘီလူးမတို့၏သားများဖြစ်သည်။ တောင်ပြုံးအရပ်တွင် အနော်ရထာမင်းဘုရားတည်ရာ၌ အုတ်နှစ်ချပ်လစ်လပ်သည်ဆို၍ ဘုရင်ကကွပ်မျက်ရာမှနတ်ဖြစ်သည်ဟုဆိုသည်။ ရွှေဖျဉ်းကြီးနတ်ရုပ်မှာ အောက်ခုံဇွန်းရိုးပလ္လင်ပြန့်ပေါ်တွင် လက်ျာဒူးထောင်၍ လက်ဝဲဒူးလှဲပြီးလျှင် ယာလက်ကဓားထမ်းကာ ဝဲလက်က ပေါင်ကိုထောက်ကာထောက်ထားသည်။ ဗောင်းနားတောင်း လက်ကောက်တန်ဆာနှင့်ရှိသည်။ ရွှေဖျဉ်းငယ်အတွက်လည်း ပုံအနည်းငယ် ငယ်သည်မှတစ်ပါး ရွှေဖျဉ်းကြီးအတိုင်း ထုလုပ်ရသည်။

နတ်ပင့်

မင်းနှစ်ပါးနတ်ပင့်ပုံ

မြို့ရွှေပြုန်း မောင်ဘုန်းတဲ့ ညီနောင်၊ ခမောက်ရယ် သပြေရောင်နှင့်၊
နေရီရီ ဟိုစံနန်းမှာ ဗောင်းပိတ်စထောင်၊ မှုတော်ရယ်အောင်
နောင်တော်နဲ့ညီလေး၊ ဂမုန်းအင် သန့်စင်ပန်းရယ်နဲ့၊ ပြည်သူကို ရေစင်ဖြန်းတယ် ပန်းတော်ဆက်သွေး။

ရှိန်းဆာယာပိုကာမောက်ပါလို့ ကိုယ်ပျောက်ပါတဲ့ နောင်ညီကွယ် နောင်ညီကွယ်၊
ဇော်ဂျီဖိုဝင်သား စားလာဆက်နွယ်၊
ဇော်ဂျီဖိုင်သား စားလာဆက်နွယ်၊
ဇော်ဂျီဖိုဝင်သား စားလာဆက်နွယ်၊
ဇော်ဂျီဖိုင်သား စားလာဆက်နွယ်။

ပုပ္ပါးတောင်ကလပ်မှာတဲ့ မြတ်မယ်မယ်၊ မြတ်မယ်မယ်၊
ပုပ္ပါးတောင်ကလပ်မှာတဲ့ မြတ်မယ်မယ်၊ မြတ်မယ်မယ်၊
ယက္ခာဒေဝသွေး ရွှေဖျဉ်းနောင်ညီမွေး။

ရဲဇာနည် ဘာမထီသားတွေမို့၊ ရဲဇာနည် ဘာမထီသားတွေမို့၊
လက်သုံးတော် ဆောင်ရွှေဓားကိုလ ကိုင်ကာသာ၊ ကိုင်ကာသာ၊
လက်သုံးတော် ဆောင်ရွှေဓားကိုလ ကိုင်ကာသာ၊ ကိုင်ကာသာ၊
ဓားစကြာများစွာ ဖြတ်ခါ၊ လှံစကြာများစွာဖြတ်ခါ၊
မီးစကြာများစွာဖြတ်ခါ၊
ရွှေဖျဉ်းနောင်ညီတို့မှာ ပျော်ရွှင်စွာ၊ ပျော်ရွှင်စွာ၊

ရွှေဖျဉ်းနောင်ညီတို့မှာ ပျော်ရွှင်စွာ၊ ပျော်ရွှင်စွာ၊
စွမ်းရည်အဖြာဖြာပြကာ၊
ပန်းတော်ဆက်သွေး။"

ကိုးကား